Lublana nie budzie błakavać kandydaturu biełaruskaha aliharcha Juryja Čyža — partniora słavienskaj firmy Riko.
Jak piša lublanskaje vydańnie Dnevnik, praŭdapadobna, što 23 sakavika rašeńnie adnosna sankcyjaŭ suprać Minsku ŭsio ž budzie pryniataje. Dnevnik taksama ŭdakładniaje, što 21 sakavika, heta pytańnie budzie abmierkavanaje na ŭzroŭni jeŭrapiejskich ambasadaraŭ. Kali zhoda pamiž imi budzie dasiahnutaja, to ŭ piatnicu rašeńnie budzie pryniataje biez abmierkavańniaŭ. Kali ž zhody nie atrymajecca, abmierkavańnie praciahniecca ŭ piatnicu ŭžo na ŭzroŭni kiraŭnikoŭ MZS.
Pavodle słavienskich ahladalnikaŭ, Lublana ŭžo nie budzie błakavać kandydaturu biełaruskaha aliharcha Juryja Čyža — partniora słavienskaj firmy Riko (nie tak daŭno hetaja kampanija atrymała ŭ Biełarusi kantrakt u 100 miljonaŭ joŭra). Jak vynikaje ź infarmacyi z daśviedčanych krynicaŭ, akramia Čyža, u tak zvanym «čorny śpis» uniesienyja niekalki kampanij inšaha biełaruskaha miljardera Uładzimira Piefcijeva. Suprać samoha aliharcha ŭžo ŭviedzienaja zabarona na ŭjezd u krainy ES, jahonyja aktyvy zamarožanyja, i hetaja sprava razhladajecca ŭ Jeŭrapiejskim sudzie ŭ Luksiemburhu.
Heta vyšejšaja sudovaja instancyja ES, i jaje rašeńni nie mohuć być abskardžanyja.
Napiaredadni słavienski ministr zamiežnych spravaŭ Karł Erjaviec zajaviŭ,
što ŭ vypadku takoha kompleksnaha padychodu jahonaja kraina budzie padtrymlivać sankcyi.Siońnia viedamstva Erjaŭca vystupiła z rezkaj zajavaj u suviazi sa śmiarotnym vyrakam dvum maładym biełarusam. Hety prysud režym ažyćciaviŭ vielmi imkliva, niahledziačy na niedastatkovuju dokaznuju bazu i šmatlikija zvaroty da Łukašenki z boku kiraŭnikoŭ ES ab prypynieńni śmiarotnaha pakarańnia. MZS Słavienii, jakaja rašuča vystupaje suprać śmiarotnych vyrakaŭ, nazvała rasstreły Kanavałava i Kavalova žorstkim i biesčałaviečnym prysudam.
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary