Ekanamičny efiekt ad samalačeńnia moža skłaści 270 tys. rubloŭ za dzień
Ale najpierš biełarusaŭ treba navučyć lačycca samastojna.
Dekan farmaceŭtyčnaha fakulteta Viciebskaha mieduniviersiteta Valancina Kuhač prapanuje zakanadaŭča zamacavać samalačeńnie.
«Praviedzienyja ŭ VDMU daśledavańni pakazali, što ekanomija ad taho, što čałaviek samastojna i paśpiachova pralačyŭsia, moža dasiahać 270 tys. rubloŭ za dzień",kaža Kuhač.
Śpiecyjalisty hetaj navučalnaj ustanovy praviali ankietavańnie daktaroŭ.
70% apytanych spakojna staviacca da taho, što pravizar daje pakupniku svaje rekamiendacyi pry vybary preparata ź biezrecepturnaha śpisa. Adnak uračy pryznajuć, što ŭ Biełarusi brakuje śpiecyjalnych adukacyjnych prahram pa adkaznym samalačeńni.
Viciebski mieduniviersitet pravodzić adpaviednyja sieminary dla nasielnictva. Adnak pakul ich naviedvalnaść nizkaja.
Ź siaredziny 2012 hoda Minzdaroŭja pavialičyć kantrol za prodažam u aptekach lekaŭ biez recepta. Razam z hetym buduć raspracavanyja kryteryi adniasieńnia preparata da biezrecepturnaha.
Na siońniašni dzień isnuje prajekt pieraliku lekaŭ, što mohuć adpuskacca biez recepta ŭrača. U im kala 1000 najmieńniaŭ. Śpis budzie hnutkim. Praz peŭny čas pry adsutnaści pabočnych efiektaŭ jaho mohuć
papoŭnić inšyja preparaty.
Šyrokaja dastupnać lekaŭ nie zaŭsiody idzie na karyść pacyjentu, adznačaje Kuhač. U Biełarusi zakon «Ab lekavych srodkach» zabaraniaje pradavać miedpreparaty pa-za aptekami, u tym liku praź Internet i pa abjavach.
Bolš prymalny varyjant – apteki samaabsłuhoŭvańnia, kali čałaviek moža sam uziać z palicy nieabchodnyja leki. Adnak pierš čym adčyniać ich u Biełarusi, varta vyvučyć vopyt inšych krainaŭ. U Maskvie, naprykład, apteki samaabsłuhoŭvańnia napačatku nieśli značnyja straty z-za kradziažoŭ, kaža Kuhač.
Kamientary