U piatnicu pa poŭnačy Biełarusi – pieršyja majskija zamarazki

Pra heta paviedamiŭ načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ.

Pavodle jaho słoŭ, na hetym tydni nadvorje čakajecca krychu bolš chałodnym za toje, što było ŭ apošnich čysłach krasavika i z bolšymi kantrastami tempieratury pavietra pamiž poŭnačču i poŭdniem Biełarusi.

1 maja nadvorje budzie vyznačacca vobłaściu pavyšanaha atmaśfiernaha cisku, dniom na charaktar nadvorja budzie ŭpłyvać chałodny atmaśfierny front. Nočču budzie pieravažna biez apadkaŭ, a dniom miescami projduć karotkačasovyja daždžy, mahčymyja navalnicy. Tempieratura pavietra nočču ad plus 6°S pa poŭnačy da plus 16°S pa poŭdni, dniom plus 16—23°S, pa poŭdni plus 24—28°S. U Bresckaj vobłaści zachavajecca śpiakotnaje nadvorje, miescami da plus 30°S.

Pavodle słoŭ sinoptyka, u sieradu bolšaja častka krainy apyniecca pad upłyvam vobłaści pavyšanaha atmaśfiernaha cisku, sfarmiravanaj u bolš chaładnavatym pavietry. Budzie pieravažna biez apadkaŭ, tolki dniom pa Bresckaj vobłaści miescami prahnazujucca karotkačasovyja daždžy. Nočču i ranicaj słaby tuman.

Tempieratura pavietra nočču plus 1—7°S, dniom plus 12—20°S. Pa paŭdniovym zachadzie plus 8—12°S, dniom plus 21—28°S.

Jak paviedamiŭ Rabaŭ, u čaćvier nadvorje budzie vyznačać atmaśfierny front. Tamu miescami projduć karotkačasovyja daždžy i navalnicy. Tempieratura pavietra nočču składzie plus 4—11°S, dniom 19—20°S. Pa paŭdniovaj pałovie nočču plus 12—15°S, dniom 21—27°S.

Pavodle słoŭ sinoptyka, u piatnicu nočču čakajecca pieravažna biez apadkaŭ, dniom miescami karotkačasovyja daždžy, navalnicy. Tempieratura pavietra nočču miescami plus 2—9, pa poŭdni da plus 10—13°S.

Pa paŭnočnaj pałovie mahčymyja pieršyja zamarazki da 0°S — minus 2°S. Dniom ad plus 12°S pa poŭnačy da plus 24°S pa poŭdni.

U vychadnyja na terytoryju Biełarusi znoŭ pačnie pastupać bolš ciopłaje pavietra, adnak jano budzie vilhotnym. Tamu ŭ subotu na bolšaj častcy terytoryi Biełarusi, u niadzielu miescami čakajucca karotkačasovyja daždžy i navalnicy. Tempieratura pavietra ŭ subotu nočču plus 7—14°S, dniom plus 13—20°S, pa paŭdniovym uschodzie da plus 26°S. U niadzielu nočču plus 5—12°S, dniom plus 13—20°S, pa paŭdniovym uschodzie da plus 25°S.

Rabaŭ taksama raspavioŭ pra nadvorje u abłasnych centrach na 1 maja.

U Hrodnie čakajecca bieź istotnych apadkaŭ, tempieratura pavietra nočču plus 12—15°S, dniom 22—24°S.

U Breście biez apadkaŭ, nočču plus 12—14°S, dniom 27—29°S.

U Homieli nočču biez apadkaŭ, dniom mahčymy nievialiki karotkačasovy doždž, navalnica. Tempieratura pavietra nočču plus 11—12°S, dniom 23—25°S.

U Mahilovie nočču biez apadkaŭ, dniom karotkačasovy doždž z navalnicaj. Tempieratura pavietra nočču plus 10—12°S, dniom 20—22°S.

U Viciebsku bieź istotnych apadkaŭ. Tempieratura pavietra nočču plus 7—9°S, dniom 17—20°S.

U Minsku čakajecca pieramiennaja vobłačnaść. Nočču bieź istotnych apadkaŭ, dniom karotkačasovy doždž, navalnica. Viecier niaŭstojlivy słaby. Dniom jon źmienicca na paŭnočny 4—9 m/s. Tempieratura pavietra nočču składzie plus 11—13°S,

dniom plus 20—22°S.

• 0
• 0
• 0
• 0
• 0
• 0
• 0
• 0