Biełaruś i Małdova miarkujuć stvaryć sumiesnaje pradpryjemstva dla ažyćciaŭleńnia pastavak vinamateryjałaŭ. Ab hetym karespandentu BIEŁTA paviedamili ŭ kancernie «Biełdziaržcharčpram».
U pačatku nastupnaha tydnia ŭ Małdovie projdzie čarhovy etap pierahavoraŭ pa hetamu pytańniu. Na ich praduhledžvajecca abmierkavać umovy stvareńnia SP.
U cełym kancern paćvierdziŭ svaju zacikaŭlenaść u stvareńni takoj struktury. Ź biełaruskaha boku jaje zasnavalnikam moža vystupić Handlovy dom «Biełdziaržcharčpram».
Nahadajem, što pastaŭki vinamateryjałaŭ u Biełaruś z Małdovy značna skaracilisia ŭ biahučym hodzie ŭ suviazi sa źmianieńniem u Małdovie paradku ekspartu takoj pradukcyi.
Jak paviedamili ŭ «Biełdziaržcharčpramie», ciapier vinarobnyja pradpryjemstvy krainy zabiaśpiečany vinamateryjałami. U nievialikich abjomach syravina pastupaje z Małdovy, taksama inšych krain, u pryvatnaści, Rumynii, Rasii, Makiedonii. «Sumarna jość zapasaŭ bolš jak na miesiac raboty», — skazali śpiecyjalisty.
U kancernie padkreślili taksama, što deficytu ajčynnaha vinahradnaha vina ŭ respublicy ciapier niama.
Adznačym, što jomistaść rynku vinahradnaha vina Biełarusi aceńvajecca pryblizna ŭ 6,5 młn. dał. U ramkach prahramy raźvićcia druhasnaha vinarobstva ŭ respublicy ŭ 2007 hodzie ŭ paraŭnańni z 2006 hodam kvota na impart vinahradnych vinamateryjałaŭ pavialičana ŭ 1,2 raza da 5,4 młn. dał. Kvota na vytvorčaść vinahradnych vin vyrasła na 7,6 pracenta da 4,4 młn. dał. Naraŭnie z hetym kvota na impart vinahradnych vin była ŭstanoŭlena na ŭzroŭni 800 tys. dał i źmienšana ŭ paraŭnańni z 2006 hodam u 2,3 raza.
U 2006 hodzie, pavodle danych Ahrapramysłovaha ahienctva «Małdova‑vin», Biełaruś impartavała z Małdovy vinarobnaj pradukcyi na sumu $36 młn., u tym liku butylavanych vin 1 młn. 175,7 tys. dał na $16,5 młn., vina nalivam (vinamateryjałaŭ) — 2 młn. 137,9 tys. dał na $16,26 młn.‑
Ciapier čytajuć
Byłoha supracoŭnika kontrraźviedki KDB aryštavali za zdradu dziaržavie6
Kamientary