Faktyčna abjom depazitaŭ raście tolki za košt naličanych pracentaŭ.
Nacbank apublikavaŭ statystyčnyja dadzienyja, datyčnyja stanu depazitaŭ u biełaruskich bankach. U mai pryrost rublovych depazitaŭ skłaŭ 711,3 miljarda rubloŭ, abo ŭsiaho 3,8%. Heta tolki krychu pierakryvaje siaredniuju pracentnuju staŭku pa ŭkładach u miesiačnym vyličeńni. Pryrost depazitaŭ faktyčna možna ličyć naličanymi pracentami pa ŭkładach.
Dla paraŭnańnia, pryrost rublovych depazitaŭ u krasaviku skłaŭ 1,24 tryljona rubloŭ abo 7,1%, u sakaviku — 890,7 miljarda rubloŭ abo 5,3%, u lutym — 2 tryljona rubloŭ abo 13,7%.
Situacyja z valutnymi układami jašče bolš demanstruje niehatyŭnuju tendencyju. Tak pa dadzienych Nacbanka, za maj valutnyja ŭkłady vyraśli na $29,1 miljona abo 0,6%, što nie pierakryvaje siaredniuju pracentnuju staŭku pa valutnych układach.
Nahadajem, što valutnyja ŭkłady nasielnictva vyraśli na $95,5 miljona (2,0%) za krasavik, na $173,8 miljona (3,7%) za sakavik, na $208,3 miljona (4,7%) za luty i na $259,9 miljona (6,2%) u studzieni.
Pa stanie na 1 červienia 2012 abjom rublovych układaŭ nasielnictva skłaŭ 19,5 tryljona rubloŭ, a depazity nasielnictva ŭ zamiežnaj valucie dasiahnuli $4,98 miljarda.
Stała viadoma, chto moža ŭvajści ŭ novy abmien źniavolenymi pamiž ZŠA i Rasijaj5
Kamientary