Muzyki, jakija chavajuć svaje tvary, vystavili ŭ internecie novy klip.
Tajamničy biełaruski reper pradstaviŭ u siecivie samarobny klip na pieśniu «Litviny», jakaja maje ŭsie šancy stać chitom. Trek pryśviečany antybalšavickamu supracivu ŭ Biełarusi.
U asiarodku biełaruskich reperaŭ čamuści pryniata chavać svoj tvar. Peŭny čas u mascy vystupaŭ reper Krou, lider hurtu «Čyrvonym pa biełym».Advaročvali tvary na svaich pieršych zdymkach chłopcy z PaNaNieba i Lunclan. Tak i nie raskryŭ svajoj asoby dy nie pakazaŭsia na publicy reper Aviator.
Sioleta paŭstaŭ novy «ananimny» prajekt, jaki zaviecca Zenon.Muzyki zapisvajuć muzyku ŭ chatnich umovach, padkładajuć jaje pad admysłova padabrany videašerah dy vykładajuć u sieciva. Takim čynam užo byli prezentavany trek «Dyvizijon 303», pryśviečany pamiaci lotčykaŭ z Zachodniaj Biełarusi, jakija ŭ składzie polskaha dyvizijonu brali ŭdzieł u abaronie Vialikabrytanii ad atakaŭ niamieckaj avijacyi padčas Druhoj suśvietnaj vajny, a taksama nieaficyjny saŭndtrek da stužki «Vyšej za nieba».
Novy trek ad Zenon zaviecca «Litviny».
Svoj tvor vykanaŭca pryśviaciŭ Haradzienskamu dobraachvotnamu pałku ŭłanaŭ, jaki ŭ składzie vojska Biełaruskaj Narodnaj Respubliki, a paśla ŭ składzie Polskaha vojska, braŭ udzieł u abaronie Biełarusi ad balšavickich zachopnikaŭ u 1919—1920 hadach.Taksama trek pryśviačajecca žaŭnieram pieršaj biełaruska-litoŭskaj dyvizii i asabista biełaruskamu kniaziu Stanisłavu Radziviłu, jaki addaŭ svajo žyćcio za volnaść biełaruskich i ŭkrainskich ziamiel u bitvie z balšavikami pad Kijevam u 1920 hodzie.
U kampazicyi raspaviadajecca historyja biełaruskaj šlachcianki Hanny z Sapiehaŭ, jakaja zahinuła ad balšavickaj kuli na race Vialla, niepadalok ad miastečka Vialejka ŭ 1920 hodzie.
Jak zaŭvažyŭ lidar prajektu Zenon u kamentary dla Tuzin.FM z nahody premjery videa, hety śpieŭ — sproba pakazać, jak moža vyhladać aŭtentyčny biełaruski chip-chop. Jon kaža, što zajmajecca «chip-chop rekanstrukcyjaj» i stvaraje treki, jakija musili by isnavać užo daŭno.
«Upeŭnieny, što kali b biełarusy abaranili svaju dziaržavu BNR, to ŭsia naša historyja pajšła b u inšym kirunku.I chip-chop pryjšoŭ by da nas kudy chutčej, bo nie było b tady tatalnaha kantrolu ŭ savieckija časy.
Samaje strašnaje, što atmasfera «saŭka» adčuvajecca dahetul i zusim niašmat źmianiłasia ŭ našaj krainie.My ž musim raźličycca z historyjaj dziela taho, kab prystojna žyć u budučym. I musim zaŭždy pamiatać, što ničoha nie paŭstaje prosta tak i ŭsio maje svaje karani», — razvažaje vykanaŭca.
U svaim videaroliku na «Litvinaŭ» Zenon vykarystaŭ kadry z polskaha telesieryjału «1920. Wojna i milosc».
Ciapier čytajuć
Byłoha supracoŭnika kontrraźviedki KDB aryštavali za zdradu dziaržavie6
Kamientary