Ab hetym zajaviŭ siońnia na pasiadžeńni Savieta Ministraŭ prem'jer-ministr Biełarusi Michaił Miaśnikovič.
Kiraŭnik urada nahadaŭ ab tym, što ŭ Biełarusi niadaŭna zaćvierdžana prahrama raźvićcia pramysłovaha kompleksu na pieryjad da 2020 hoda.
«Inviestycyi ŭ madernizacyju hetaha siektara ŭ cełym składuć bolš za $70 młrd.», — zajaviŭ jon.
Prem'jer-ministr źviarnuŭ asablivuju ŭvahu na nieabchodnaść uvachodžańnia biełaruskich pramysłovych pradpryjemstvaŭ u skład viadučych suśvietnych kampanij. «Inakš niama surjoznych pierśpiektyŭ u našaha stankabudavańnia, elektratechničnaj i elektronnaj pramysłovaści i šeraha inšych halin, — skazaŭ jon. — Treba pierachodzić ad słoŭ da spravy, realna intehravacca ŭ transnacyjanalnyja karparacyi, stanavicca ich partniorami i zładžana pracavać, jak pracuje ŭvieś śviet».
Michaił Miaśnikovič taksama adznačyŭ, što Łukašenka daŭ daručeńnie na praciahu miesiaca pa kožnaj arhanizacyi raspracavać płany vychadu na $60 tys. na adnaho pracujučaha.
«Tamu pad kiraŭnictvam prem'
jer-ministraŭ, ministraŭ, hubiernataraŭ nieabchodna budzie ažyćciaŭlać hetu rabotu i vyjści na kankretnyja prapanovy až da kankretnych pradpryjemstvaŭ», — reziumavaŭ prem'
jer-ministr.
Kamientary