ES vyrašaje, jak adkazać za Šviecyju: vysyłka ŭsich biełaruskich pasłoŭ imaviernaja
U Bruseli hetaje pytańnie abmiarkoŭvajuć dypłamaty ŭsich krain Jeŭrasajuza.
Najbolš imaviernym adkazam krain Jeŭrasajuza budzie adjezd usich pasłoŭ ES na kansultacyi. Pra heta piša bruselskaje vydańnie Euobserver.com. Adpaviedna, i biełaruskija pasły vymušany buduć pakinuć jeŭrapiejskija stalicy.
Na minułym tydni Biełaruś faktyčna vysłała pasła Šviecyi, a na hetym — zapatrabavała zakryćcia šviedskaha pasolstva ŭ Minsku. Minsk abvinavaciŭ šviedskaha pasła ŭ «razbureńni dvuchbakovych adnosin». Šviedski ministr zamiežnych spravaŭ zajaviŭ, što takim čynam Biełaruś zreahavała na dziejnaść pasła, skiravanuju na padtrymku pravoŭ čałavieka.
Šviecyja — adna z susiedak Biełarusi i krain z upłyvam u bałtyjskim rehijonie.
«Miač na baku Šviecyi, ale ŭsie chočuć vykazać salidarnaść ź imi», — zajaviŭ dla Euobserver.com adzin z dypłamataŭ.
Miarkujecca, što Jeŭrasajuz vystupić z adzinym pasłańniem u hetym pytańni. Prapanovy, najchutčej što, sfarmulujuć Hiermanija i Polšča.
«Šviecyja moža hanarycca svajoj rollu ŭ abaronie pravoŭ čałavieka ŭ Biełarusi», — napisaŭ u Tvitary ministr zamiežnych spravaŭ Brytanii Uiljam Chiejh.
Učora Alaksandr Łukašenka zajaviŭ, što dziejnaść Eryksana vyklikała niezadavolenaść jašče hod tamu i što šviedskaje pasolstva padtrymlivała kantakt z arhanizatarami plušavaj miedźviedziroŭki. Adnak nijakich faktaŭ u padmacavańnie takoj teoryi łukašenkaŭskija ŚMI pakul nie pryviali.
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary