"Pieramožcy" i "łuzery" siarod vialikaha bałota
Sacyjolahi daśledavali, chto pačuvajecca ŭ vyjhryšy, a chto ŭ projhryšy ad taho, što Biełaruś stała niezaležnaj. Piša ŭ svaim błohu Alaksandar Kłaskoŭski.
Na sajcie NISEPD — novy artykuł. Sacyjolahi daśledavali, chto pačuvajecca ŭ vyjhryšy, a chto ŭ projhryšy ad taho, što Biełaruś stała niezaležnaj.
Pieršuju hrupu aŭtary daśledavańnia ŭmoŭna nazyvajuć "pieramožcami", druhuju — "łuzerami" :)
Dyk voś, "pieramožcami" najčaściej adčuvajuć siabie tyja, chto maje vyšejšuju adukacyju, hałoŭnaj krynicaj asabistaha bahaćcia ličyć pracu i sam dobra zarablaje. Dola "pieramožcaŭ" vyšejšaja siarod moładzi i prychilnikaŭ eŭrapiejskaha vybaru. Fenamenalna šmat pradstaŭnikoŭ hetaj katehoryi siarod kiraŭnikoŭ niedziaržaŭnych pradpryjemstvaŭ — 80,2% (paraŭnajcie: siarod kiraŭnikoŭ dziaržaŭnych pradpryjemstvaŭ — tolki 20,6%).
"Łuzerami" najčaściej pačuvajucca žychary małych haradoŭ, ludzi ź nizkimi dachodami, pensijanery. U toj ža čas jany macniej padtrymlivajuć palityku ciapierašniaj ŭłady.
A voś siarod biespracoŭnych "pieramožcaŭ" davoli bahata. Paradoks, badaj, ujaŭny. U ajčynnych umovach častka ekanamična aktyŭnaha nasielnictva ličyć za lepšaje nie afišavać svajho zaniatku.
Kaniešnie, sercy niezaležnikaŭ nia moža nia hreć toje, što ŭvohule "pieramožcaŭ" u nas bolej, čym "łuzeraŭ" — 38,1% vs 29,4%. Adnak praporcyja, miakka kažučy, nie tryŭmfalnaja. I jakoje žachliva vialikaje bałota — 31,6% uvohule nie zmahli dać uciamnaha adkazu!
Zaklučnaja remarka sacyjolahaŭ padajecca całkam słušnaj: "My nie vypadkova vykarystali termin "nasielnictva", a nie "hramadzianie", bo adsutnaść krytyčnaje masy hramadzianaŭ i jość, na naš pohlad, hałoŭnaj palityčnaj prablemaj krainy".
Uvohule ž, jak bačym, čyńniki farmavańnia niezaležnickaj samaśviadomaści davoli vyraznyja. Najčaściej šanujuć niezaležnaść ludzi adukavanyja, ruplivyja. Tyja, chto nie siadzić na pansijonie, a zarablaje hrošy za košt ułasnaha talentu, enerhii dy pradprymalnaści, i najčaściej u pryvatnym sektary. Pastupovaja erozija paternalisckaj ekanomiki budzie pracavać na rost słoju aktyŭnych hramadzianaŭ biez kompleksu "saŭka".
Ciapier čytajuć
Dzieviać čałaviek pamierli ŭ Breście i Minsku — usim im uvodzili adnyja i tyja ž leki. U preparacie znajšli bakteryi6
Kamientary