Śpiavačka nie zmahła pierakanać sudździu, što jaje šlubny kantrakt padrobleny.
Paśla razvodu z
Padrabiaznaści spravy paviedamiła rasijskaja hazieta «Moskovskij komsomolec». Pasiadžeńnie pa prośbie advakataŭ mahnata prachodziła ŭ zakrytym režymie. Viadoma, što Ahurbaš vyrašyła pryjści ŭ sud sama: u ciomnych akularach, ź niadbajna zabranymi vałasami, jana pieršaj pavitałasia z prysutnymi žurnalistami i ŭvajšła ŭ zału.
Vystupajučy z pramovaj pierad sudom, artystka ź ciažkaściu strymlivała emocyi, a pry kancy zapłakała.
— Mikałaj Ahurbaš padaryŭ mnie šaścipakajovuju kvateru, kab ja razam ź dziećmi pierajechała ź Biełarusi ŭ Rasiju. Ja za svoj košt jaje adramantavała i abstaviła, a ciapier jon mnie zajaviŭ, što ja pavinna adtul vyjechać. I dzie ciapier mnie žyć z tryma dziećmi? — sa ślazami na vačach pramaŭlała artystka. — Jahony syn užo prychodziŭ i vyhaniaŭ mianie z majho ž domu. Čatyry hady tamu jany (siamja Mikałaja Ahurbaša) biez majho viedama vypisali mianie z kvatery. Ja mocna płakała i litaralna prymusiła prapisać nazad.
Pavodle jaje słovaŭ, šlubnaja damova była padpisana dziesiać hadoŭ tamu ŭ haścioŭni, u chacie, jak prostaje ŭnutrysiamiejnaje pahadnieńnie, na jakim, darečy, nastojvali troje darosłych dziaciej muža, bajučysia, što śpiavačka budzie pretendavać na ich spadčynu.
Zorka paskardziłasia sudu, što paśla razvodu zastałasia biez srodkaŭ da isnavańnia.Praŭda, i padčas siamiejnaha žyćcia biznesoviec nie vielmi pieściŭ małodku. Pavodle jaje słovaŭ, kvatery i aŭtamabili, padoranyja dočkam, byli zapisanyja na ich. Muž moh u luby momant zabłakavać kredytnyja kartki žonki. Akramia taho, Anžalika Ahurbaš śćviardžała, što
Advakatka pazoŭnicy Ludmiła Ajvar nastojvała, što šlubny kantrakt nie byŭ nataryjalna zavierany, bo na im niama piačatki, a podpis nie naležyć Anžalicy.Akramia taho, abarona prasiła sud ab počyrkaznaŭčaj ekśpiertyzie, ale sudździa ŭ hetym admoviŭ. «My ličym, što rašeńnie niezakonnaje, i budziem jaho abskardžvać», — skazała advakat.
Pa prahnozach śpiavački, Mikałaj Ahurbaš spačatku pazbavić jaje majomaści i srodkaŭ da isnavańnia, a zatym adbiare dzicia.«Niahledziačy ni na što, ja ŭsio roŭna budu zmahacca», — adznačyła artystka.
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?3
Kamientary