Rasija znoŭ zajaŭlaje, što sankcyi suprać kiraŭnictva Biełarusi nieprymalnyja. Adnak jana nie budzie prymać niejkija zachady suprać inicyjataraŭ takich abmiežavańniaŭ.
«Kali raźličvać na toje, što Rasija, u piku tamu, što ŭ dačynieńni da Biełarusi pradprymajucca niejkija sankcyi, budzie taksama kamu-niebudź pahražać sankcyjami, to hetaha nie budzie», — zajaviŭ Interfaksu staršy daradca rasijskaha pasolstva Valeryj Bandarenka.
«My ličym, što ŭžyvańnie sankcyjaŭ u dačynieńni da Biełarusi źjaŭlajecca demanstracyjaj i vykarystańniem Zachadam padvojnych standartaŭ», — dadaŭ dypłamat.
Valeryj Bandarenka adznačyŭ, što «ŭ Biełarusi nie samaja horšaja situacyja».
«Prablemy jość va ŭsich, u tym liku i ŭ Rasii. Ale kancentravać svaju ŭvahu mienavita na biełaruskich prablemach, vystaŭlajučy ich jak niešta zvyšnaturalnaje, — heta demanstracyja palityki padvojnych standartaŭ», — zajaviŭ pradstaŭnik pasolstva Rasii.
«Rasija nieadnarazova vystupała za adkrytaje abmierkavańnie ŭsich najaŭnych prablemaŭ u adnosinach Biełarusi ź ES, z Zachadam u cełym», — padkreśliŭ V. Bandarenka.
Kamientary