Złučanyja Štaty Amieryki vielmi zaniepakojenyja paharšeńniem situacyi ŭ Biełarusi ŭ śfiery pravoŭ čałavieka i fundamientalnych svabod, asabliva ŭ śviatle parłamienckich vybaraŭ.Pra heta zajaviŭ pastajanny pradstaŭnik ZŠA pry ABSIE Ien Kieli, vystupajučy 6 vieraśnia na pasiadžeńni pastajannaha savieta arhanizacyi ŭ Vienie.
Jon padkreśliŭ, što ZŠA poŭnaściu padzialajuć zaniepakojenaść pradstaŭnika ABSIE pa svabodzie ŚMI Duni Mijatavič u suviazi z zatrymańniami administrataraŭ hrup u sacyjalnych
«Zatrymańni Paŭła Jaŭcichijeva, Andreja Tkačova, Ramana Pratasieviča i Aleha Šramuka — administrataraŭ hrup sacyjalnaj sietki VKontakte.ru — źjaŭlajucca praciaham pieraśledu svabody vykazvańniaŭ u Biełarusi,— skazaŭ Kieli. — Hetyja i inšyja zachady, raspačatyja biełaruskimi ŭładami za apošnija niekalki miesiacaŭ suprać niezaležnych žurnalistaŭ i błohieraŭ, supiarečać abaviazacielstvam krainy ŭ śfiery svabody ŚMI jak asnoŭnaj umovy dla pluralistyčnaha i demakratyčnaha hramadstva».
Kieli padkreśliŭ, što ZŠA zaklikajuć Biełaruś vyzvalić Jaŭcichijeva i Tkačova, źniać ź ich usie abvinavačańni, a taksama pačać supracoŭničać z ofisam pradstaŭnika ABSIE pa svabodzie ŚMI dla palapšeńnia «pakazčykaŭ krainy ŭ pytańni niezaležnaści ŚMI i adkrytaści».
Akramia taho, adznačyŭ Kieli, ZŠA rasčaravanyja admovami ŭ rehistracyi 68 pretendentam u kandydaty ŭ deputaty, u tym liku lidaru ruchu «Za Svabodu» Alaksandru Milinkieviču.
«Hetyja dyskvalifikacyi — čarhovaja prajava sprob biełaruskich uład zadušyć inšadumstva i abmiežavać apazicyju, — skazaŭ Kieli. — Bolš za toje, my asabliva zakłapočanyja admovaj uład dapuścić pradstaŭnikoŭ apazicyi va ŭčastkovyja vybarčyja kamisii, jakija pravodziać pieršy padlik hałasoŭ. Centrvybarkam daŭ zhodu tolki 61 kandydatury ŭ kamisii z 862 prapanavanych apazicyjaj».
Kieli taksama padkreśliŭ, što z 68 tysiač 945 čałaviek u 6 tysiačach 301 kamisii dola apazicyi składaje mienš jak 0,1%. «Takija niedemakratyčnyja padychody vyklučajuć mahčymaść prazrystaści vybarčaha pracesu», — reziumavaŭ jon.
U svaim vystupleńni Ien Kieli adznačyŭ, što ZŠA vykazvajuć škadavańnie ŭ suviazi z rašeńniem biełaruskaha ŭrada «vysłać pasła Šviecyi i prymusić Šviecyju adklikać uvieś svoj dypłamatyčny piersanał u Minsku». «My salidarnyja z našymi jeŭrapiejskimi partniorami i spadziajemsia, što Biełaruś bližejšym časam prapanuje Šviecyi znoŭ adkryć u Minsku svajo dypłamatyčnaje pradstaŭnictva», — skazaŭ pradstaŭnik ZŠA pry ABSIE.
Taćciana Karaviankova, BiełaPAN.
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»12
Kamientary