Našto «Hazpram» źbiraje infarmacyju pra biełaruskija niedziaržaŭnyja ŚMI?
Ź niadaŭniaha času pradstaŭniki AAT «Biełtranshaz» pačali źviartacca ŭ redakcyi.
Jany prapanujuć zaklučyć damovy na raźmiaščeńnie rekłamy. Pry hetym, spasyłajučysia na ŭnutranyja patrabavańni svajho novaha ŭładalnika, rasijskaha «Hazprama», jany prosiać pradastavić padrabiaznyja źviestki pra zasnavalnikaŭ i ŭłaśnikaŭ ŚMI, uklučajučy kaniečnych bienieficyjaraŭ (tych, chto atrymlivaje dyvidendy). Heta niezvyčajna: zvykłyja rekłamadaŭcy prosta dajuć rekłamu — abo nie dajuć. A našto rekłamadaŭcu viedać adnosiny ŭłasnaści ŭ vydańni?
U zvarocie za podpisam načalnika upraŭleńnia «Biełtranshaza»Taksama ŭtrymlivajecca prośba dasłać kopiju staronak statutu arhanizacyi sa źviestkami pra jaje ŭładalnikaŭ, i kopiju zahadu ab pryznačeńni na pasadu kiraŭnika pradpryjemstva.A. V. Kurzava prapanujecca zapoŭnić formu, jakaja źmiaščaje infarmacyju pra imiony, proźviščy, chatnija adrasy i kantaktnyja telefony kiraŭnikoŭ, akcyjanieraŭ i bienieficyjaraŭ biełaruskich ŚMI.
Takim čynam, Biełtranshaz prapanoŭvaje vyjści daleka za miežy tradycyjnaha dla rekłamnych spraŭ pradastaŭleńnia kopij paśviedčańnia ab rehistracyipradpryjemstva-zasnavalnika i paśviedčańnia ab rehistracyi ŚMI. Čamu?
Paśla letašnich bujnych skandałaŭ u elektraenierhietycy Rasii, kali vyśvietliłasia, što samyja papłatnyja pastaŭki i padrady dla dziaržkampanij ažyćciaŭlajuć firmački, jakija naležać kiraŭnikam hetych dziaržkampanij, ichnym žonkam, synam i dočkam,
u zakanadaŭstva Rasii byli ŭniesieny pałažeńni, jakija patrabujuć ad usich kontrahientaŭ dziaržkampanij abo ich daččynych struktur (niezaležna ad vidu damovy i pasłuh, jakija akazvajucca) nadavać źviestki ab zasnavalnikach bienieficyjarach, i h.d.I ŭsie ŭ Rasii, chto pracuje ź dziaržkampanijami, a heta vializny sektar ekanomiki, ciapier vymušany hetyja źviestki davać.
Inšaja sprava, što hetyja źviestki mohuć zhulać i ŭ inšy bok.Mižvoli pryhadvajecca, što ŭ dziełavoj praktycy za zboram źviestak pra ŭłaśnika taho ci inšaha aktyvu časta idzie prapanova ab jaho nabyćci. U vypadku ź biełaruskimi ŚMI i «Biełtranshazam» («Hazpramam») imaviernaść padobnaha scenaru siłkujecca cełym šeraham dadatkovych akaličnaściaŭ. Dyviersifikavany biźnies rasijskaha hazavaha manapalista daŭno ŭžo nie abmiažoŭvajecca tolki enerhietyčnym siektaram. Naprykład,
z 1998 hoda dziejničaje chołdynhDastatkova pryhadać takija papularnyja ŚMI, jak NTV,«Hazpram-Miedyja» , jakomu siońnia naležać dziasiatki tele- i radyjokanałaŭ, haziet, časopisaŭ, a taksamainternet-partałaŭ Rasii i krain byłoha SSSR.
Isnavańnie miedyjnaj kampanii «Hazprama» samo saboj apraŭdvaje mahčymyja sproby prykupić niekatoryja ŚMI ŭ susiedniaj Biełarusi.Całkam stasujucca jany i sa stratehijaj Kramla, jakomu padkantrolny «Hazpram», raspaŭsiudzić upłyŭ na pamiežnyja krainy. Pryčym jakraz apošniaja akaličnaść zdolna stać asnoŭnym drajvam takich sprob.
Z punktu hledžańnia ekanomiki, aktyvy biełaruskich niedziaržaŭnych ŚMI nie ŭjaŭlajuć asablivaj cikavaści dla inviestaraŭ, bo ich rentabielnaść (navat u samych paśpiachovych i papularnych), jak praviła, nie pieravyšaje 5–10%.Mnohija ž uvohule z hoda ŭ hod bałansujuć na miažy bankructva i vyžyvajuć vyklučna dziakujučy finansavym ulivańniam zasnavalnikaŭ ci sponsaraŭ. Zatoje nabyćcio niedziaržaŭnych ŚMI Biełarusi, jakim najbolš daviaraje elektarat krainy, ździejśniła by daŭnija mary Kramla zajmieć jašče bolšy ŭpłyŭ na rozumy biełarusaŭ. Dla takoj mety nie škada patracić ennuju kolkaść miljonaŭ USD.
Chutčej za ŭsio, siarod zasnavalnikaŭ biełaruskich pryvatnych ŚMI zojducca tyja, chto nie ŭtrymajecca ad spakusy pradać svoj «hałaŭny bol» bahatamu kupcu, jaki hatovy prapanavać summy z
Letaś tolki ŭ«Hazpram-Miedyja» kansalidavanaja vyručka skłała 46,876 młrd. RUB, ci bolš za 1,5 młrd. USD.
Jak raskazaŭ «Našaj Nivie» redaktar adnoj upłyvovaj niedziaržaŭnaj haziety, da jaho niadaŭna pryjazdžali ź inšaj rasijskaj miedyjakampanii ź niedvuchsensoŭnymi prapanovami.
Kaniečnie, naŭrad ci pradavacca buduć idejnyja vydańni i dla jakich pierachod pad kantrol «Hazprama» ci jakoha inšaha rasijskaha ŭładalnika byŭ by sinonimam zdradnictva. Ale
chapaje drukavanych ŚMI, tele-, radyjokanałaŭ dyinternet-partałaŭ , uładalniki jakich bolš dbajuć pra kapiejku, čym pra ideały.
Pavodle słovaŭ ułaśnikaŭ niekatorych upłyvovych vydańniaŭ, jašče niekalki hadoŭ tamu čynoŭniki biełaruskaha ŭrada nieaficyjna papiaredzili ich pra toje, što buduć pieraškadžać mahčymym ździełkam pa prodažy miedyjaaktyvaŭ rasijanam. Adnak z taho času šmat što źmianiłasia, i siońnia Kreml jak nikoli zajmieŭ mocny ŭpłyŭ na kiraŭnictva Biełarusi. Na hetym fonie impet u abaronie nacyjanalnych intaresaŭ mocna asłabieŭ.
Niaciažka sprahnazavać nastupstvy hetaha dla ajčynnaha miedyjarynku.Bolšy ŭpłyŭ, mienšaja biełaruskaść… Na NTV zdarajecca pabačyć repartažy ź biełaruskich haradoŭ, dzie navat nie pryhadvajecca, što zdymki zroblenyja ŭ Biełarusi, a tamtejšyja žychary nazyvajucca nie inačaj jak «russkije ludi». Rasijskaja elita nie žadaje bačyć nas suvierennaj krainaj i navat hetaha nie chavaje, a za zadavalnieńnie svaich impierskich abicyj hatovaja płacić vialikija hrošy.
Nie treba siabie padmanvać i sučasnym devizamBo kali kantent nie padabajecca — zaŭsiody možna pamianiać kiraŭnika ŚMI, jaki zabiaśpiečyć pravilnuju padaču infarmacyi. Situacyja Alaksieja Vieniedyktava z «Recha Maskvy» i kanała NTV — dobry tamu prykład.«Hazpram-Miedyja» «kiravańnie nie kantentam, a biźniesam».
Na adnoj ź lipieńskich narad prezident Biełarusi Alaksandr Łukašenka aburyŭsia tym, što dziejnaść niekatorych zamiežnych bankaŭ u Biełarusi padobna da dziejnaści zamiežnych ahientaŭ.Povodle jahonych słovaŭ, banki źbirajuć źviestki pra finansavy stan ajčynnych pradpryjemstvaŭ, ź niajasnymi metami.
Zdajecca, anałahičnaje adbyvajecca i na važnym dla krainy infarmacyjnym rynku.
Kamientary