Vybaram «tak»… sa svajoj TAKtykaj!
U adzin soniečny dzień u peŭnym miescy Radzima źbiare dziasiatki ci sotni tysiačaŭ biełarusaŭ razam. Heta i budzie aznačać Pieramohu.
Kali my pahadžajemsia ŭziać udzieł u vybarach, heta nie aznačaje aŭtamatyčnaha pryniaćcia ŭmovaŭ hulni. Bo my kažam «Tak!» baraćbie za svoj los, samim sabie i vierym u toje, što adzin čałaviek — heta adzin hołas. Tolki praz udzieł mahčyma pierakanać tutejšaje hramadztva ŭ niespraviadlivaści siońniašniaj systemy.
Tamu stratehija vidavočnaja: treba hulać u kampaniju «vybary prezydenta». A voś taktyku kožny abiraje paasobku. I tut jość niekalki varyjantaŭ.
Narešcie, apanenty ŭładaŭ prapanavali narodu adzinaha mocnaha kandydata (Alesia Milinkieviča), jaki ŭhołas zajaviŭ, što zdolny kiravać krainaj. I kamanda jość, i prahrama, i siły. Navat lozunh «Svaboda. Praŭda. Spraviadlivaść». Ci nia hetaha patrabuje biełaruski narod? Taki, jak i my, biełarus, jaki žyvie našymi prablemami i dychaje adnym z nami pavietram. Da taho ž adukavany, patryjatyčny, mužny...
Druhi varyjant (Narodnaje hałasavańnie) nam prapanavaŭ Zianon Paźniak. Ale, na žal, jość čyńniki, jakija pieraškadžajuć pravieści hetuju kampaniju. Najpierš, infarmacyjny vakuŭm.
Asobna vyrašyŭ udzielničać u kampanii Alaksandar Kazulin. Jahony ruch, pa sutnaści, — alternatyva nia tolki isnaj systemie, ale j apazycyi. I były rektar BDU karystajecca padtrymkaj siarod nasielnictva.
Nasamreč, niama roźnicy, Milinkievič ci Kazulin vystupić u roli budučaha prezydenta. Maje značeńnie tolki fakt dasiahnieńnia adzinstva. Dva Alaksandry pavinny pracavać razam. Nielha razryvać na dźvie častki biełaruski narod, treba sieści i damovicca.
Idučy da skryni dla hałasavańnia, kožny hramadzianin adčuvaje svaju značnaść i važnaść: jon sam abiraje šlach cełaj krainy... I nichto nia maje prava adabrać tuju mažlivaść: ani prezydent, ani načalnik, ani čalec vybarčaj kamisii. Ci dazvolić sumleńnie maŭčać, kali ciabie prynižajuć, kali hańbiać tvaju hodnaść?
U adzin soniečny dzień u peŭnym miescy Radzima źbiare dziasiatki ci sotni tysiačaŭ biełarusaŭ razam, heta budzie aznačać Pieramohu.
Byłoha supracoŭnika kontrraźviedki KDB aryštavali za zdradu dziaržavie9
Kamientary