Kažuć, što ad žurnalista, jaki pavažaje svajho čytača, hledača i słuchača, patrabujecca abjektyŭnaść, biesstaronnaść.
Ci zaŭsiody biesstaronnaść jość niezacikaŭlenaściu? Dumaju, što nie zaŭsiody.
Biesstarońni žurnalist, kali jon sapraŭdy biesstarońni, — zaŭsiody zacikaŭleny ŭ vyśviatleńni praŭdy, praŭdzivaha stanu rečaŭ.
Ci vyklučaje abjektyŭnaść žurnalista jaho partyjnaść, jaho palityčnyja simpatyi?
Žurnalist, jaki vyśviatlaje praŭdu, praŭdzivy stan rečaŭ, i žurnalist, jaki zatušoŭvaje praŭdu i skažaje praŭdzivy stan rečaŭ, naležać da roznych partyj.I sprava nie ŭ naźvie partyi. U našych kanretnych umovach žurnalistyka dzielicca na dźvie partyi: niedziaržaŭnuju i dziaržaŭnuju. Pavodle vyznačeńnia, pieršaja ź ich pavinna być zaŭsiody zacikaŭlena ŭ vyśviatleńni praŭdy, praŭdzivaha stanu rečaŭ, bo tolki praŭda słužyć sacyjalnamu, palityčnamu i maralnamu prahresu hramadstva.
Ciapier zadamo pytańnie: ci zaŭsiody biesstaronnaść jość adstaronienaściu?
Adstaronienaść žurnalistaŭ, asabliva publicystaŭ, u nas u Biełarusi ŭžo ŭvajšła ŭ modu. Niekatoryja niedziaržaŭnyja žurnalisty, mabyć, razvažajuć tak: raz my ludzi abjektyŭnyja, to pavinny stajać
Tak nieŭprykmiet abjektyŭnaść žurnalistyki sastupaje miesca abjektyvizmu, niedziaržaŭnaja žurnalistyka pieraŭtvarajecca ŭ padhałosak dziaržaŭnaj. Hałoŭnaje ž — pani i panovie žurnalisty zabyvajuć na praviła NIE NAŠKODŹ.Nie naškodź tym, chto — niachaj sabie niaŭmieła — zmahajecca za demakratyju, za pravy i svabody čałavieka, u tym za svabodu słova.
I ŭžo zusim dyskredytacyjaj niedziaržaŭnaj žurnalistyki źjaŭlajucca niadaŭna abnarodavanyja fakty.
Doŭhi čas było niezrazumieła, čamu radyjo «Racyja» i jaho karespandent Źmicier Kisiel naviaźliva rekłamujuć na svaich chvalach i na svaim sajcie Anatola Laŭkoviča.I voś, dziakujučy apublikavanamu 10 kastryčnika ŭ «Našaj Nivie» artykułu Źmiciera Pankaŭca «Jak palityčnyja kambinatary stvarajuć psieŭdaapazicyju» my znajšli adkaz na pytańnie.
Akazvajecca, karespandent RR Źmicier Kisiel vodzić kampaniju ź ludźmi, jakich (musić, nie biez padstaŭ) staroniacca demakraty Pinščyny i Bieraściejskaj vobłaści ŭ cełym.Jak vynikaje z kamientaroŭ da artykuła Źmitra Pankaŭca na sajcie «NN», hety karespandent zajmajecca palitmachinacyjami ad imia Ukrainskaha Doma, mieŭ dačynieńnie da sproby stvaryć Levy front i źlapić z čałavieka sumnieŭnaj reputacyi rabočaha lidara. Što asabliva cikava: jon, vyjaŭlajecca, schapiŭsia za ideju (miž inšym, ad pačatku žartoŭnuju) hetak zvanaj Centrysckaj partyi i ŭbačyŭ na čale takoje partyi Laŭkoviča, čym i tłumačycca rekłama hetaha dziejača na chvalach i sajcie radyjo «Racyja».
Usiu dalokuju ad volnaj žurnalistyki dziejnaść Źmitra Kisiala niekatoryja hramadzianie tłumačać materyjalnaj zacikaŭlenaściu, žadańniem «zrubić babło».
Nie viedaju, ci ŭvachodzić Źmicier Kisiel u Biełaruskuju asacyjacyju žurnalistaŭ, ci budzie ŭsčata ŭ BAŽy i kiraŭnictvam radyjo «Racyja» raźbiralnictva ŭ suviazi z faktami, jakija abnarodavaŭ Źmicier Pankaviec, ale možna kanstatavać: pavodziny Kisiala dyskredytujuć žurnalistyku Biełarusi.
Ciapier čytajuć
Usie čakali padzieńnia cen, ale ničoha padobnaha! Jak za hod źmianilisia ceny na kvatery ŭ Minsku i inšych bujnych haradach8
Kamientary