U samych ludnych miescach horada sustrakajecca zrobleny praz trafaret nadpis «Spynicie teror! Svabodu Daškieviču!».
Nahadajem, što siońnia ŭ Mazyrskaj kałonii adbudziecca vyjaznoje pasiadžeńnie suda nad palitviaźniem — čarhovaje. Lidaru «Maładoha frontu» mohuć źmianić pakarańnie na suraviejšaje. «Heta źviazana z tym, što Źmitra Daškieviča pryznali złosnym parušalnikam režymu», — paviedamiła namieśnica staršyni «Maładoha frontu» Nasta Pałažanka, niaviesta palitviaźnia.
Jana dadała, što aktyvist nie moh stać złosnym parušalnikam režymu, bo adrazu pa prybyćci ŭ vypraŭlenčuju kałoniju № 20 Mazyra byŭ źmieščany ŭ štrafny izalatar, a zatym — u pamiaškańnie kamiernaha typu. «Daškieviča čakaje jašče adzin pakutlivy etap. Ja dumaju, što jaho pieraviaduć albo ŭ turmu ŭ Žodzina, albo ŭ Hrodnie», — vykazała zdahadku Nasta Pałažanka.
Lidar Maładoha Frontu pastupiŭ u mazyrskuju kałoniju 19 vieraśnia. Praz dva dni jon abviaściŭ haładoŭku ŭ suviazi z «nialudskimi pavodzinami administracyi kałonii, u tym liku jaje načalnika Juryja Zbaroŭskaha». Paśla pieravodu 4 kastryčnika ŭ pamiaškańnie kamiernaha typu Daškievič spyniŭ haładoŭku, patłumačyŭšy heta tym, što staŭleńnie administracyi kałonii da jaho «kardynalna źmianiłasia ŭ lepšy bok».
Źmicier Daškievič i jaho paplečnik Eduard Łobaŭ byli zatrymanyja napiaredadni apošnich prezidenckich vybaraŭ.
Mižnarodnyja pravaabarončyja arhanizacyi pryznali Daškieviča i Łobava palityčnymi viaźniami.
Ciapier čytajuć
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom8
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1818
Kamientary