Hałoŭny architektar Viciebsku zaŭtra, 26 krasavika, pa žyvoj suviazi adkaža na pytańni viciablanaŭ, jakich, treba dumać, nia mieniej, čym zaprajektavanych piramid u centry staroha horadu.
26 krasavika ad 14 da 16 hadziny pa telefonie (+375‑212) 23‑50‑56 adbudziecca pramaja linija z hałoŭnym architektaram Viciebsku Barysam Ladenkam, zładažanaja redakcyjaj haziety «Vićbičy». Usie achvotnyja mohuć pacikavicca płanami budaŭnictva horadu, daviedacca pra prajekty novych abjektaŭ.
Vialikuju zaniepakojenaść u hramadskaści Viciebska vyklikajuć novyja zabudovy ŭ centry horada: kala amfiteatru, nasuprać «Siniaha doma» i parku imia Frunze. Pytańni vyklikajuć jak i architekturnyja rašeńni, tak i toje, što bolšaść abjektaŭ buduć raźmieščanyja na terytoryi, jakaja ŭjaŭlaje saboj histaryčnuju i archieałahičnuju kaštoŭnaść i pavinna achoŭvacca dziaržavaj.
Najbolš sprečak vyklikaje budaŭnictva zabaŭlalnaha centru «Dan» u parku imia Frunze pobač z płoščaj Svabody. Hramadskija aktyvisty, vierniki i šerah śviataroŭ zaniepakojenyja tym, što hety abjekt budujecca ŭ niepasrednaj blizkaści ad miesca, na jakim stajaŭ Mikałajeŭski sabor (pabudavany jak katalicki kaścioł śviatoha Jazepa). Ekołahi ličać, što źniščeńnie adzinaha parku ŭ centry horada, pobač z ažyŭlenym pierakryžavańniem, pryviadzie da značnaha paharšeńnia ekałahičnaha stanovišča.
Stvoranaja ŭ «Žyvym žurnale» supolnaść «Zachavajem Viciebsk» prapanuje patelefanavać Barysu Ladenku i zadać jamu vostryja pytańni pra zachavańnie histaryčnaj i kulturnaj spadčyny horadu. Pytańni možna dasłać i raniej na adras haziety «Vićbičy», abo pieradać pa telefonie (+375‑212) 37‑61‑62.
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak44
Kamientary