50-tysiačny marš nacyjanalistaŭ u Varšavie supravadžaŭsia sutyčkami z palicyjaj
U polskim hramadstvie narastaje novy raskoł miž libierałami i nacyjanalistami.
Až šeść šeściaŭ prajšło sioleta ŭ Varšavie na Dzień niezaležnaści, jaki palaki adznačajuć 11 listapada. Pryčym sioleta polskaje hramadstva adznačyła śviata ŭ napiataj atmaśfiery:
Tam zahinuŭ pravy prezident Kačynski, a rasśledavańniem zajmajucca struktury libieralnaha ŭrada Tuska. Niadaŭniaja publikacyja źviestak pra najaŭnaść śladoŭ vybuchoŭki na abłomkachnacyjanalna-kansiervatyŭnaja apazicyja abvinavačvaje libieralny ŭrad Donalda Tuska ŭ manapalizacyi ŚMI, karupcyjnych poviaziach z bujnym biznesam. I hałoŭnaje, balić pamiać pra katastrofu polskaha ŭradavaha samalota pad Smalenskam.
Zvonku navat dziŭna bačyć, jakaja nianaviść panuje ŭ polskich palityčnych kołach.Zdavałasia b, jość demakratyčnyja miechanizmy, jość svabodnyja ŚMI, adnak sprečki z parłamienta i staronak haziet pierachodziać na vulicy.
Tak było i siońnia. Svoj marš arhanizavaŭ prezident krainy Branisłaŭ Kamaroŭski. Jaho ŭdzielniki ŭskłali kvietki da pomnikaŭ vialikich dziejačoŭ epochi zavajavańnia Polščaj niezaležnaści, dziejačaŭ roznych łahieraŭ: sacyjalista Piłsudskaha, nacyjanalista Dmoŭskaha, pijanista Padareŭskaha…
Na prezidencki marš sabrałasia tolki 10 tysiač čałaviek. A voś na šeście pravaj apazicyi — až 50. Siarod sabranych byli i futbolnyja fanaty, i ŭdzielniki radykalnych hrupovak.Jany i raspačali sutyčki z palicyjaj ad momantu zboru: zadymili fajery, palacieŭ bruk. Tym nie mienš, demanstracyja prajšła pa zadumanym maršrucie, choć na jaje šlachu i było zatrymana kala 140 čałaviek.
Možna prahnazavać, što polski palitykum u bližejšyja hady zastaniecca mocna padzielenym na levalibieralny i pravakansiervatyŭny łahier. Pryčym ich baraćba budzie i nadalej nahadvać «vajnu na vyniščeńnie», a nie supiernictva idej. Hety padzieł nie asabliva ŭpłyvaje na zamiežnuju palityku krainy — jaje pryjarytety niaźmiennyja, ale ŭ vyniku jaho palityki stajuć bolš schilnymi da vykarystańnia zamiežnapalityčnaj tematyki va ŭnutrypalityčnych patrebach.U vyniku množacca papulisckija kroki, pryhožyja žesty časta iduć na škodu stratehičnym intaresam. Z hetym treba ličycca i biełarusam.
Pieraciahvańnie navat Dnia niezaležnaści jak toj koŭdry siońnia pra heta nahadała.
Ciapier čytajuć
U Biełarusi znajšli kopiju šviejcarskich Alpaŭ — ale turystaŭ tam nie čakajuć2
Kamientary