Prakuratura Homielskaj vobłaści, prakurory haradoŭ i rajonaŭ z udziełam śpiecyjalistaŭ orhanaŭ dziaržaŭnaha sanitarnaha nahladu i adździełaŭ handlu i pasłuh rajvykankamaŭ pravieryli vykanańnie zakanadaŭstva ab handli ŭ addalenych nasielenych punktach.
Jak paviedamili ŭ Hienprakuratury, vyniki pravierak śviedčać ab najaŭnaści faktaŭ nievykanańnia Praviłaŭ ažyćciaŭleńnia roźničnaha handlu asobnymi vidami tavaraŭ i hramadskaha charčavańnia, zaćvierdžanych pastanovaj Saŭmina ad 7 krasavika 2004 hoda № 384.
Tak, vyjaŭleny parušeńni ŭstanoŭlenaha režymu pracy sielskich mahazinaŭ, uzhodnienaha ź miascovymi rajvykankamami. U pryvatnaści, mahaziny niaredka začynieny ŭ pracoŭny čas biez paviedamleńnia, nie vykonvajecca čas abiedziennych pierapynkaŭ, sastareli raźmieščanyja na fasadach mnohich mahazinaŭ šyldy ź infarmacyjaj ab najmieńni handlovaha abjekta, pradaŭcy, časie pracy. Takija parušeńni adznačanyja ŭ Śvietłahorskim, Kastryčnickim, Naraŭlanskim,
U šerahu mahazinaŭBuda-Kašaloŭskaha , Rahačoŭskaha, Dobrušskaha, Naraŭlanskaha i inšych rajonaŭ adsutničali jarłyki z cenami na pradukty, nie vykonvaŭsia asartymientny minimum.Dapuskałasia realizacyja praduktaŭ charčavańnia z terminam hodnaści, jaki ŭžo zakončyŭsia, u mahazinach viosak Śvietłahorskaha, Karmianskaha, Rečyckaha, Homielskaha rajonaŭ.
U niekatorych mahazinach hruba parušajucca sanitarnyja normy i praviły, što pryvodzić da zachłamlenaści pamiaškańniaŭ i antysanitarnaha stanu abstalavańnia i invientaru.
Prakurorskimi pravierkami vyjaŭleny surjoznyja parušeńni ŭ pracy aŭtamahazinaŭ,a mienavita: nie vytrymlivajucca hrafiki ich pracy i maršruty ruchu ŭ Rahačoŭskim, Naraŭlanskim, Žytkavickim i inšych rajonach, ustanoŭleny fakty nievykanańnia tempieraturnych režymaŭ zachoŭvańnia tavaraŭ, tavarnaha susiedstva praduktaŭ u aŭtamahazinach Pietrykaŭskaha, Lelčyckaha, Brahinskaha, Žytkavickaha rajspažyŭsajuzaŭ.
Pa vynikach pravierak prakurorami rajonaŭ uniesiena 19 pradstaŭleńniaŭ, vyniesiena 7 pradpisańniaŭ, 2 słužbovyja asoby aficyjna papiaredžany ab niedapuščalnaści parušeńniaŭ zakona. Pa patrabavańni prakuroraŭ da administracyjnaj adkaznaści pryciahnuty 52 vinavatyja słužbovyja asoby i 1 jurydyčnaja asoba, u kampietentnyja orhany adpraŭleny daručeńni ab raspačynańni administracyjnych pracesaŭ u dačynieńni da 10 słužbovych asob.
Prakuraturaj vobłaści ŭ praŭleńnie Homielskaha abłspažyŭsajuza ŭniesiena pradstaŭleńnie, u jakim, u pryvatnaści, prapanavana zabiaśpiečyć u padviedamasnych pradpryjemstvach vykanańnie zakanadaŭstva ab handli, ab abaronie pravoŭ spažyŭcoŭ, sanitarnych norm, praviłaŭ i hihijeničnych narmatyvaŭ.
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach7
Kamientary