Kiraŭnik Mahilova: Biełaruś ruchajecca da źmiešanaj sistemy vybaraŭ
Biełaruś ruchajecca ŭ kirunku demakratyzacyi, ustanaŭleńnia źmiešanaj sistemy vybaraŭ, zajaviŭ 21 listapada na pasiadžeńni Mahiloŭskaha harvykankama jaho staršynia Stanisłaŭ Baradaŭka padčas razhladu pytańnia ab dziejnaści hramadskich ab`iadnańniaŭ i palityčnych partyj.
«Ad hetaha my nikudy nie dzieniemsia. My žyviem u demakratyčnym hramadstvie. Siońnia Rasija hetym karystajecca, siońnia Ukraina hetym karystajecca», — adznačyŭ kiraŭnik horada.
Pry takoj sistemie, pavodle jaho słoŭ, pradstaŭničyja i zakanadaŭčyja orhany ŭłady pavinny być sfarmiravany demakratyčna, «ale kab ich hałasy nie padzialalisia 51% na 49%, i jany potym nie rvali kožny zakonaprajekt, i nie ciahnuli ŭ svoj bok».
Baradaŭka adznačyŭ, što apošnim časam u dziaržsłužačych nazirajecca mocnaje dystancyjavańnie ad takich dziaržaŭnych śviat, jak 7 listapada ci 1 maja. «Voś my kažam, što 7 listapada pravodziać kamunisty i vieterany, 1 maja — prafsajuzy. Ale ž heta śviaty, jakija ŭ kalendary čyrvonym koleram paznačany. Jany dziaržaŭnyja śviaty. Tamu my pavinny pačynajučy z najbližejšaha nazvanaha mnoju śviata być pobač z tymi, chto heta śviata śviatkuje, i nie prosta ŭdzielnikami, a dzieści inicyjatarami», — zajaviŭ staršynia Mahiloŭskaha harvykankama.
Pavodle mierkavańnia Baradaŭki, čas, kali dziaržaŭny słužačy pavinien byŭ dystancyjavacca ad niejkich palityčnych pohladaŭ — levych, pravych abo centrysckich — prajšoŭ.«My siońnia majem prava być členami hramadskich arhanizacyj, palityčnych partyj», — skazaŭ jon.
Pavodle danych, pryviedzienych načalnikam upraŭleńnia ideałahičnaj pracy Ałaj Hałuškaj, pa stanie na 1 listapada 2012 hoda ŭ Mahilovie ažyćciaŭlali svaju dziejnaść 103 hramadskija i 11 nacyjanalnych ab`iadnańniaŭ, 5 palityčnych partyj, 634 arhanizacyjnyja struktury prafiesijnych sajuzaŭ.
Samaja šmatlikaja siarod hramadskich arhanizacyj horada — Mahiloŭskaja haradskaja arhanizacyja Biełaruskaha tavarystva ab`iadnańnia vieteranaŭ (258 piarvičnych arhanizacyj, 87.200 vieteranaŭ vajny i pracy, uzbrojenych sił i pravaachoŭnych orhanaŭ, u tym liku 965 vieteranaŭ Vialikaj Ajčynnaj vajny).
U haradskuju arhanizacyju BRSM uvachodzić 20 tys. čałaviek, u HA «Biełaja Ruś» — 4.440 čałaviek.
Z adzinaccaci nacyjanalnych ab`iadnańniaŭ horada — try ruskija, try jaŭrejskija, ukrainskaja, polskaja, armianskaja, hruzinskaja i azierbajdžanskaja arhanizacyi.
-
Niekatoryja biełaruski iduć u surahatnyja mamy. Kolki za heta płaciać i chto z žančyn na heta hatovy?
-
Łukašenka zajaviŭ, što biełarusy ź litoŭcami stahodździami mieli dobrazyčlivyja adnosiny, zasnavanyja na histaryčnych suviaziach
-
Valfovič prakamientavaŭ zajavy SVR i paprasiŭ Jeŭropu nie dyktavać Biełarusi, jak žyć
Kamientary