Minskaj carkvie «Novaje žyćcio» zahadali za tydzień pakinuć budynak
Minskija ŭłady nie admovilisia ad idei pazbavić budynka hetu pratestanckuju carkvu.
Juryst carkvy Siarhiej Łukanin kaža, što 27 listapada atrymaŭ pradpisańnie na terminovaje «vysialeńnie»:
«Siońnia my atrymali pastanovu Vyšejšaha haspadarčaha suda, u jakoj napisana, što my pavinny da 5 śniežnia pakinuć svoj budynak. Ab 11-j hadzinie taho ž dnia my musim pieradać klučy ad budynka pradstaŭnikam ŽREA Maskoŭskaha rajona stalicy».
Spadar Łukanin kaža, što za svoj budynak vierniki zmahajucca ŭžo siem hadoŭ. Ale ciapier niebiaśpieka vysialeńnia najbolš realnaja:
«Mienavita tady, u 2005-m, było pryniataje rašeńnie Minharvykankama, u jakim nas pazbavili ziamli. Tam było taksama adznačana, što naš budynak budzie prymusova vykupleny. Potym my prajšli praz bolš čym 30 sudovych pracesaŭ, adstojvajučy svajo prava na majomaść. Na žal, usie jany byli prajhranyja».
Jak nahadvaje Siarhiej Łukanin, u 2006-m vierniki raspačali zmahańnie za carkvu ŭ inšym farmacie — praz haładoŭku pratestu:
«Była takaja bujnaja akcyja "post-haładoŭka": bolš za 200 viernikaŭ ničoha nie jeli, tolki pili vadu na praciahu 23 dzion. Tady pastara carkvy zaprasili ŭ administracyju prezidenta. Ź im razmaŭlaŭ Aleh Pralaskoŭski, jaki tady ŭznačalvaŭ ideałahičnaje ŭpraŭleńnie prezidenckaj administracyi. Jon skazaŭ, što Alaksandr Łukašenka nibyta ŭ kursie hetaj spravy i paprasiŭ nas prypynić akcyju, kab dać mahčymaść uładam usio vyrašyć u "pravavym poli", jak było padkreślena. My prypynili "post-haładoŭku", ale našu spravu pieradali ŭ Vyšejšy haspadarčy sud na novy razhlad».
Ciaham troch hadoŭ sud razhladaŭ spravu, i tolki ŭ 2009 hodzie pryjšoŭ da vysnovy: carkva «Novaje žyćcio» ŭsio ž musić pakinuć budynak:
«Niekalki razoŭ da nas prychodzili milicyjanty, my ich nie puskali ŭ naš budynak. Na praciahu prykładna paŭtara hadoŭ nas nichto nie turbavaŭ, nichto nie źjaŭlaŭsia. I voś tolki siońnia my atrymali takuju "cikavuju" pozvu: tydzień nam zastaŭsia, kab pakinuć budynak. Zaŭtra my majem pravieści schod, na jakim budziem vyrašać kankretnyja našy dziejańni, što budziem rabić.
Ale, ž kaniečnie, pakidać budynak my nie źbirajemsia».
Ciapier čytajuć
Źmicier Daškievič skazaŭ, što treba rabić biełarusam zaraz, kab kraina stała svabodnaj i niezaležnaj9
Kamientary