Dyskahrafija
“Pałac” i dj Ray Chvisievič
“TANČYĆ PAŁAC”.
(r) 2001, Bulba Records.
Siabry! Ź vialikim zadavalnieńniem chaču vam paviedamić, što zaduma dy-džeja Reja Chvisieviča bliskuča pravaliłasia: niahledziačy na ŭsie jahonyja namahańni sapsavać pieśni “Pałacu” jon nia zdoleŭ. Varty muzyčny materyjał źniaviečyć nia tak prosta.
U adroźnieńnie ad aranžavalnikaŭ, jakija horaj, čym jana jość, pieśniu zrabić nia zdolnyja, dy-džei, jakija muzyčnych akademijaŭ nie skančali, imknucca zamianić prafesijnyja navyki aranžavańnia roznymi hukavymi štučkami dy rytmičnymi vykruntasami. I čym bolš jany niaviečać aryhinał, tym bolš paśpiachovym ličycca zroblenaje i tym kruciejšym vyhladaje dy-džej.
Rej Chvisievič pastaviŭsia da piesień davoli aščadna. I choć daloka nie zaŭsiody jon bliskučy i vynachodlivy ŭ stvareńni hukavoj dy rytmavaj abałonki piesień, jany ŭ vyniku traciać nia tak šmat, jak mahli b. Na siońniašnich dyskatekach hetyja adaptacyi falkloru nia buduć vyhladać čužymi. A za košt taho, što ŭ asnovie remiksaŭ lažać narodnyja pieśni, prajekt naahuł nabyvaje aryhinalnaść — pa-za Biełarusiaj hetyja pieśni buduć usprymacca jašče i jak ekzotyka.
Cikava, što zakryvaje albom nabor aŭtentyčnych muzyčnych sempłaŭ. Nia ŭsie jany, praŭda, takija aŭtentyčnyja, ale ź ich dapamohaju kožny z vas moža pasprabavać, majučy adpaviedny syntezatar, zrabić niešta padobnaje, što zrabiŭ z muzykaj “Pałacu” dy-džej Rej Chvisievič.
Dy-džej SLUHATCH
Ciapier čytajuć
Usie čakali padzieńnia cen, ale ničoha padobnaha! Jak za hod źmianilisia ceny na kvatery ŭ Minsku i inšych bujnych haradach6
Kamientary