Praryŭ u hraficy, zaniapad u ilustravańni
U vilenskim Centry sučasnaha mastactva ekspanujecca vystava «Hrafika». Sotnia tvoraŭ estampu, malunku, knižnaj ilustracyi, fatahrafii dy inšych krasamoŭna śviedčyć, što kraina vychodzić nia tolki na palityčnaje zbližeńnie z Eŭropaj. Vystava demanstruje hodnaść i tvorčy patencyjał, ź jakim nia soramna dałučycca da Źviazu.
Admietna, što litoŭski estamp daŭno pieraadoleŭ biełaruskuju prablemu niedachopu cynkavych płaścinaŭ dy litahrafskich kamianioŭ, jakija dziela režymu ekanomii z kožnym hodam stanoviacca ŭsio mienšaha farmatu. Chutka naša hrafika pieratvorycca ŭ paŭsiudny mini-prynt, u jakim my sapraŭdy dasiahnuli mižnarodnaha pryznańnia. Litoŭskija tvorcy pierajšli na doški, faneru dy inšyja asnovy, jakija dali mahčymaść nia tolki pašyryć palitru fakturaŭ dy efektaŭ, ale i dasiahnuć šmatmetrovych farmataŭ.
Asobnym raździełam demanstravalisia modnyja ciapier tvory z papiery ručnoha vyrabu — vializnyja i maleńkija instalacyi, stankavyja listy, malunak jakich utvarajecca z suplotaŭ i napłastavańnia roznakalarovych vałoknaŭ celulozy. U vystaŭnych zalach hareli navat śviacilni, zroblenyja z papiery.
Ale asabliva ŭraziła asobnaja mižnarodnaja ekspazycyja «Kniha-2003», jakaja adbyvajecca ŭ ramkach vystavy «Hrafika». Dziasiatak mastakoŭ z usiaho śvietu pradstaŭlajuć unikalnyja knihi, zroblenyja ŭ adzinkavych ekzemplarach. Jak stroi ad kuciurje, jakimi my zachaplajemsia tolki na pakazach mod. Paśla vystavy tyja knihi razyducca pa kalekcyjach muzejaŭ i pryvatnych asobaŭ.
Što tyčycca knižnaj ilustracyi, dyk tut my možam paspračacca ź litoŭcami za pieršynstvo. U paraŭnańni ź inšymi hety raździeł na vystavie ściplejšy kolkasna i jakasna. Viadoma, tut jość samyja raznastajnyja techniki vykanańnia i vobrazy, ale heta daloka nia toje bahaćcie, jakoje było raniej. Mahčyma, dastupnaść kamputara pazbaviła mastakoŭ knihi nieabchodnaści prosta malavać. Tamu pryjemna adznačyć vartaści našych «tačylščykaŭ».
Dzianis Ramaniuk
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»4
Kamientary