Čarnaskury komik hańbić nehraŭ

Paśla apošniaha vystupleńnia adnaho z samych viadomych amerykanskich humarystaŭ nikomu nie da śmiechu. Bił Kośbi šakavaŭ usich svaimi pohladami na čarnaskurych amerykancaŭ.

U čas, kali «Ńju-Jork Tajmz», Si-En-En i kanhresmeny abmiarkoŭvajuć Irak i kampaniju pa vybarach prezydenta, u škołach, kaściołach, radyjopieradačach, kudy telefanujuć słuchačy, na schodach hramadzkich arhanizacyj i ŭ supołkach čarnaskurych dziejačoŭ niekalki dzion havorka tolki pra adno — pra vystupleńnie Biła Kośbi.

Komik, jaki dziakujučy viadomaj na ŭvieś śviet prahramie «Šoŭ Biła Kośbi» zarabiŭ u 80-ch i 90-ch hadach miljony dalaraŭ, vystupaŭ dva tydni tamu na vialikim pryjomie ŭ Vašynhtonie z nahody 50-hadovaha jubileju pastanovy Viarchoŭnaha Sudu, jakaja zabaraniła rasavuju sehrehacyju ŭ amerykanskich škołach. U prysutnaści dziasiatkaŭ afraamerykanskich dziejačoŭ z usioj Ameryki Kośbi, jaki zrabiŭsia ŭ svoj čas adnoj ź pieršych čarnaskurych telezorak, atrymlivaŭ uznaharodu za svaju dabračynnuju dziejnaść. I ŭ hety momant, z charakternym dla jaho krasamoŭstvam, vostrym jak brytva jazykom jon atakavaŭ čornych žycharoŭ biednych rajonaŭ. Jon abvinavaciŭ ich u biezynicyjatyŭnaści j biezadkaznaści, u drennym vychavańni dziaciej, u biazładnym pałavym žyćci padletkaŭ, pazašlubnych dzieciach, niepavazie da zakonu i sacyjalnaj pasiŭnaści — u adroźnieńnie ad taje aktyŭnaści, jakaja charaktaryzavała pakaleńni, što ŭ svoj čas zmahalisia za pravy čarnaskuraha nasielnictva (frahmenty vystupleńnia vy možacie pračytać nižej).

Lidery afraamerykancaŭ słuchali pramovu ŭ šoku, z kamiennymi tvarami. Potym na scenu vyjšaŭ arhanizatar pryjomu, prezydent Nacyjanalnaj asacyjacyi za prahres kalarovaha nasielnictva (NAPKN) — najbujniejšaj arhanizacyi, jakaja zmahajecca za pravy čarnaskurych amerykancaŭ. Usie z napružańniem čakali, što budzie. Ale Kiejsi Mfjum ščyra abniaŭ Kośbi. Potym jon pryznaŭsia, što, choć heta byli prykryja słovy, jon zhodzien z bolšaściu ź ich.

Ničoha nia budu abviarhać

Prajšło niekalki dzion, pakul vystupleńnie Kośbi trapiła ŭ centralnyja amerykanskija ŚMI. Apošnija nibyta vahalisia: ci nie parušaje jano zališnie ramki palityčnaj karektnaści. Nibyta čakali, ci nie abvierhnie Kośbi svaje słovy, skazaŭšy, što jaho nia tak zrazumieli.

Poŭny varyjant artukułu čytajcie ŭ hazecie "Naša Niva"

• 0
• 0
• 0
• 0
• 0
• 0
• 0
• 0