Hutarka z samym viadomym hitarystam Biełarusi Pitam Paŭłavym
«NN» : Jak skłałasia, što čałaviek biez anijakaje muzyčnaje adukacyi robicca lider-hitarystam najlepšych rok-hurtoŭ Biełarusi: «N.R.M.», «Kryvi», «Harackija»?
PP : U mianie jość žyćciovy pryncyp: kali ja adnojčy skazaŭ sabie, što hraju na hitary, u hety ž momant uźnikła dumka, što pavinien heta rabić lepš za astatnich, prynamsi ŭ absiažnaj prastory. A dalahlad, jaki prapanujuć našy muzyčnyja ŭstanovy, niedastatkovy dla taho, kab hrać u muzyčnym hurcie. Ustanovy pradukujuć aŭtamaty dla vykanańnia i pračytańnia notaŭ, jakija traplajuć u dziaržaŭnyja struktury, arkiestry, ansambli.
«NN» : Jakija ŭ ciabie patrabavańni da muzyki?
PP : Muzyka dla mianie ciapier — sprava žyćcia, mentalnaja źjava, adbitak času, instrument upłyvu na maładuju hieneracyju, sposab zarablańnia hrošaj, karjera — heta ŭsio spałučyłasia ŭ adnym farmacie i cikavić mianie ŭ roznych stupieniach. Kali b mianie turbavali tolki hrošy, ja byŭ by bolš zamožnym, ale ja, napeŭna, jašče nie daros ci ŭžo pieraros hetuju cikavaść. Mianie bolš pryvablivajuć tvorčyja momanty. Na siońnia panujučyja suśvietnyja tendencyi ŭ muzycy — heta ščyraść i niazmušanaść. Voś hałoŭnyja patrabavańni. I na hetym šlachu zaŭsiody ŭźnikajuć šedeŭry, jakija mianie vabiać. Ja ich instynktyŭna, intuityŭna adčuvaju adrazu, vyłučaju dla sabie i pryciahvaju. Potym pieraapracoŭvaju i stvaraju štości zusim inšaje, ale pad upłyvam zroblenaha.
«NN» : Niejak u interviju ty skazaŭ, što Volski ŭ «N.R.M.» nikomu nie daje pobač z saboju śpiavać. Prajekty «Harackija» dy «Pete Paff» — vynik taho, što ty adčuvaješ siabie №2 u hurcie?
PP : Zdajecca, heta nie zusim maje słovy, a chutčej chitryk žurnalista Dzimy Padbiareskaha. Ale adkažu, što ŭ «N.R.M.» mnie śpiavać nia varta. Tam jość charyzmatyčny śpiavak, a ja — charyzmatyčny hitaryst. Toje, što skłałasia samo, i jość samaje lepšaje. Usie štučnyja namahańni chutka zakančvajucca, nie pryvodziačy ni da jakaha vyniku. Jakraz takija vypadkovaści, utajmavanyja časam, zvyčajna i zastajucca nazaŭždy.
Va ŭsim śviecie ŭdzielniki papularnych hurtoŭ robiać solnyja prajekty, kab nie zacyklivacca. Viadoma, my ź Lavonam Volskim zdolnyja i pa try pieśni ŭ dzień pisać — byŭ by albom na tydzień. Ale chto b ich słuchaŭ i nabyvaŭ? Pačałosia b kłanavańnie dumak, vobrazaŭ. A prychilniki zaŭsiody chočuć čahości novaha. I novaje my prapanujem u svaich solnych prajektach, uvieś čas imkniomsia vyciahvać maładyja siły.
«NN» : Vystup «Harackich» ź bieraściejskim hurtam «Ściana» ŭ klubie «NC» nie adbyŭsia: nie pryjšli hledačy. Tady na praciahu adnaho tydnia było zaplanavana 8 kancertaŭ, i na bolšaść ź ich pryjšło vielmi mała słuchačoŭ...
PP : U ludziej fizyčna niama hrošaj. Tamu što naša dziaržava znachodzicca ŭ dzikim zaniapadzie. Na kancercie «N.R.M.» 22 traŭnia ŭ tym samym klubie «NC» byŭ anšlah. Ludzi sabrali ŭsie svaje mahčymaści i pryjšli. Nie liču, što vosiem kancertaŭ na tydzień — heta zašmat dla dvuchmiljonnaha horadu. Ja budu pracavać nad tym, kab da mianie na «Harackija» i «Pete Paff» prychodziła maja publika, navat kali ŭ hety dzień budzie «Metallica» vystupać u Pałacy sportu (viadoma, kali ja sam nie pajdu na «Metallica»).
«NN» : Biełaruskaja vioska vymiraje, a razam ź joju źnikajuć aŭtentyčnyja havorki, pieśni, taja staradaŭniaja spadčyna. Ty škaduješ pra ŭrbanizacyju?
Poŭny varyjant artykułu čytajcie ŭ papiarovaj i pdf-versii "Našaj Nivy"
Hutaryŭ Juraś Busieł
Ciapier čytajuć
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek4
Kamientary