Julimpijada

Padziei apošniaha tydnia dali padstavu dla karekcyi dziaržaŭnaha himnu: my, biełarusy, nia mirnyja, a chutkija ludzi.

Tuzin medaloŭ, atrymanych biełaruskimi atletami, viarnuli intares biełaruskaha abyvaciela da Afinaŭ. Ale dastatkova było adnaho. Medala, jaki ŭziała Julija Nieściarenka ŭ spryncie. Tak vyjšła, što prestyžnaja katehoryja sportu, akaličnaści pieramohi i asoba čempijonki pryjšlisia da hustu ŭsim słajam nacyi.

Zadavolenyja ŭłady. Tryjumf Nieściarenki symbalična kampensuje pravał pieršych dzion spabornictvaŭ i vidavočny abłom z ustanoŭkaj na 25 medaleŭ. Ciapier niaciažka prykinuć, jak budzie adbyvacca paślaalimpijski razbor palotaŭ. Nia budzie tatalnaha lakaŭtu trenerskaha składu i persanalnaha słaviesnaha apuskałava: «Ja ciabie na pamojcy znajšoŭ, a ty…» Hałoŭny siabar biełaruskich fizkulturnikaŭ, naturalna, pažuryć łuzeraŭ, a potym piaščotna pavinšuje Juliju. Ich parny zdymak buduć doŭha smakavać.

Zadavolenaja apazycyja. Prablemy z uklučeńniem Nieściarenki ŭ skład zbornaj dali padstavu Starykieviču nazvać spartoŭku «apalnaj». Ciapier možna juzać temu, što rynkavy sacyjalizm nia zdolny razhledzieć talent. A voś kali b u nas byŭ rynak i investycyi!

Zadavolenyja levyja. Siamja čempijonki śvietu nia maje asabistaj kvatery i žyvie ŭ internacie (!), što cementuje mit ab tym, što sol nacyi — nia nobili, jakija špurlajuć boŭlinh-šary ŭ «Medysan-klubie», a zvyčajnyja ludzi.

Zadavolenyja pravyja. «Ja vieru ŭ Boha i dumaju, što Boh, ubačyŭšy ŭsie maje namahańni, vyrašyŭ mnie dapamahčy», — z cytaty Julii na pres-kanferencyi. Biez kamentaroŭ.

Zadavolenyja buržua. Na fonie vidavočnaha deficytu jaskravych asob na biełaruskaj scenie fotahieničnaja Nieściarenka — prosta skarb. Svaim vizualnym prykładam jana moža vyklikać masavy intares da spažyvańnia taho ci inšaha praduktu. Cikava, jakija biłbordy z vyjavaj Julii i spartšoty da ich my ŭbačym najbližejšym časam?.. «Biahu z čempijonskaj chutkaśćiu, kab padpisacca na «Biełaruś siehodnia» i piać dadatkaŭ da jaje» abo «Adzinaje, čaho ja nie mahu pierahnać, — «Falksvahien-Bora»?

Poŭnaściu hety artykuł možna pračytać u papiarovaj i pdf-versii "Našaj Nivy"

Lolik Uškin

• 0
• 0
• 0
• 0
• 0
• 0