Hetaja karcina jašče nie zakuplena mienskim kinaprakatam praź finansavyja składanaści, ale ŭvahi vartaja.
Film užo dastupny na videa i DVD.
Zdaŭna idzie baraćba pamiž siłami Śviatła i Ciemry. Pavodle Siarhieja Łukjanienki, za złom sočyć Načnaja varta, a za dabrom — viadźmarskaja Dzionnaja. Niečakankaj źjaŭlajecca toje, što siońniašnija abaroncy dabra słužać u Harśviatle, a zło chavajecca ŭ pryciemku maskoŭskich cyrulniaŭ (Illa Łahucienka) ci vystaŭlaje siabie na estradzie (Žanna Fryskie z hurtu «Bliskučyja»).
Scenar filmu ŭzmocnieny meladramatyčnaj linijaj zhublenaha j znojdzienaha syna, ale kirujecca pieršaj častkaj adnajmiennaj knihi. Anton Haradziecki, aperatyŭnik Načnoj varty, paluje na niezarehistravanych vampiraŭ i na padkazki savy Volhi suciašaje samotnuju žančynu z čornaj varonkaj praklonu nad hałavoj. Hieroj Kanstancina Chabienskaha da bolu nahadvaje čarhovaha «mianta» z papularnych rasiejskich seryjałaŭ, tolki zamiest pistaleta ŭ hieroja lichtaryk. A voś jahony šef — Vialiki Hieser u vykanańni Ŭładzimiera Mianšova — heta typovy haspadarnik-viaščun z mudrymi zvyčkami «namieśnika ministra SSSR».
Poŭnaściu hety artykuł možna pračytać u papiarovaj i pdf-versii "Našaj Nivy"
Andrej Rasinski
«Načnaja varta» («Nočnoj dozor»)
Rasieja, 2004, kalarovy, 115 chv.
Žanr: Mistyčny bajavik
Adznaka: 6,5 (z 10)
Svajak Viktara Łukašenki zajmaje vysokija pasady ŭ KDB. Heta vyśvietliłasia, kali zabrali budynak dziciačaj palikliniki7
Kamientary