Artykuł «Druhaja duša Eŭropy» ŭ «NN» №43 vyklikaje mnostva pytańniaŭ.
Padbor faktaŭ pakidaje ŭražańnie antymusulmanskaha ŭpiaredžańnia: saracyny, terarysty, robiać abrazańni i nia lubiać eŭrapiejskaj kultury, čužarodny arhanizm u ciele Eŭropy. Artykuł aperuje vielmi niapeŭnymi terminami, što nie dadaje jamu abjektyŭnaści. Što takoje «musulmanskaje hramadztva»? Hramadztvy, skažam, Bośnii, Samali i Iranu adroźnivajucca miž saboj nia mienš, čym «chryścijanskija hramadztvy» Biełarusi i Balivii. A ad takich abahulnieńniaŭ patychaje kalanijalnym aryjentalizmam.
Nia varta prypisvać ekscesy, pryčyny jakich palahajuć u tradycyjnym hramadztvie, isłamu. Nielha prymać zvyčai tradycyjnaha hramadztva za sutnaść relihii!
Tak zvanyja musulmanie Eŭropy nia jość adzinaj supolnaściu. Musulmanskaje adzinstva isnuje ŭ hałovach žmieńki idealistaŭ-musulmanaŭ i mas-kultury Zachadu. Niama hetaha adzinstva i nikoli nie było! U šyickim Iranie lepš maŭčycie, što vy sunit, a ŭ sunickim volnym Kurdystanie nia raju kazać kurdzkim palicyjantam pra svoj šyizm. U Pakistanie — jašče horaj: heta mohuć być vašy apošnija ŭ žyćci słovy.
Da abrazańnia dziaŭčynak isłam nia maje anijakaha dačynieńnia. Chiba tolki toje, što jano praktykujecca ŭ niekatorych musulmanskich krainach Afryki, dzie jość składnikam tradycyjnaje kultury. Ale taki samy zvyčaj adznačajecca i ŭ pravasłaŭnaj Etyjopii.
Poŭny varyjant artykułu hladzicie ŭ hazecie "Naša Niva".
Siarhiej Bohdan, Tehieran
Ciapier čytajuć
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra2929
Kamientary