Па дадзеных спецслужбы, абсталяванне для фермы было кантрабандай завезена з Расіі.
Служба бяспекі Украіны (СБУ) абвясціла аб ліквідацыі створаных у Кіеве і Чаркасах крыптаферм, даходы ад майнінга на якіх пераводзіліся ў самаабвешчаныя Данецкую і Луганскую народныя рэспублікі («ДНР» і «ЛНР»).
Па дадзеных СБУ, абсталяванне для ферм было кантрабандай дастаўлена з Расіі, а ў арганізацыі іх працы прымалі ўдзел грамадзяне Расеі.
Па дадзеных спецслужбы, частка даходаў накіроўвалася таксама на падтрымку інтэрнэт-рэсурсаў, якія вядуць антыўкраінскую прапаганду.
Галоўны ваенны пракурор Украіны Анатоль Маціос паведаміў, што для пералічэння сродкаў выкарыстоўваліся электронныя кашалькі «Ківі» і «Яндэкс.Грошы», якія афіцыйна на тэрыторыі Украіны забароненыя. Паводле яго слоў, агульны кошт канфіскаванага пры ператрусах абсталявання ацэньваецца прыкладна ў $ 4 млн, пры гэтым за спажываную электраэнергію «фермеры» не плацілі.
«Падчас ператрусу па месцы фактычнага размяшчэння «ферм», у тым ліку ў Чаркасах, ўстаноўлена несанкцыянаваная ўрэзка ў агульную сетку электраэнергіі, так званыя электронныя лічыльнікі, па выніках якога зафіксавана неаплата за выкарыстаную электраэнергію, якая складае да 800 тысяч грыўняў за месяц», - заявіў галоўны ваенны пракурор Украіны Анатоль Маціос падчас брыфінгу.
Каментары