У Мядзелі хлопец прыкідваўся дзяўчынай і страсаў з мужчын грошы
У Мядзелі раскрылі падрабязнасці справы пра буйное махлярства ў інтэрнэце. 19‑гадовы хлопец выдаваў сябе за дзяўчыну, каб выманіць грошы за «інтымныя паслугі», паведамілі ў прэс-службе Следчага камітэта Беларусі.
Малады чалавек стварыў фэйкавы профіль пад іменем «Дыяна» і завязваў стасункі з мужчынамі, каб прасіць у іх грошы. Адна з ахвяр заплаціла хлопцу 150 рублёў за матэрыялы парнаграфічнага характару, папярэдне сцягнутыя з інтэрнэту. На наступны дзень «Дыяна» прапанавала яму сустрэчу з «працягам» і пад рознымі зачэпкамі — аплата арэнды, гарантыя сустрэчы — пераканала мужчыну пералічыць яшчэ 1950 рублёў. Аднак пасля атрымання грошай сувязь спынілася.
Пасля таго ахвяра зразумела, што тут дзейнічае махляр, і звярнулася ў праваахоўныя органы. Міліцыя хутка знайшла маладзёна, якога раней ужо судзілі за такое правапарушэнне.
На допыце ён спрабаваў апраўдаць свае дзеянні цяжкім матэрыяльным становішчам: цяжарная жонка, недахоп грошай, неаплачаны штраф, але гэтыя аргументы не пераканалі следчых. Цяпер крымінальная справа паводле артыкулаў аб махлярстве і распаўсюдзе парнаграфіі перададзеная пракурору для накіравання ў суд.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім4
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары