Андрэй Цэйко сцвярджаў, што былы работнік спецслужбаў сам аддаў Range Rover і па сваёй волі з'ехаў ва Украіну, дзе яго абвінавацілі ў кантрабандзе
Апеляцыйная інстанцыя Масаблсуда змякчыла прысуд 40-гадоваму грамадзяніну Беларусі Андрэю Цэйко, які абвінавачваўся ў тым, што гвалтоўна вывез ва Украіну былога супрацоўніка ФСБ рамана Фіялкоўскага і абрабаваў яго. Першапачаткова яго прысудзілі да 10 гадоў пазбаўлення волі, але ў выніку скарацілі тэрмін да 9,5 гадоў, паведамляе РБК.
Суд не пагадзіўся з пазіцыяй абароны Цэйко аб тым, што Фіялкоўскі добраахвотна пагадзіўся пакінуць свой катэдж у раёне Дамадзедава, прадаў абвінавачанаму і ягоным змоўшчыкам уласны Range Rover Sport, а пазней праз Беларусь па сваёй волі перасёк украінскую мяжу. Былы супрацоўнік ФСБ запэўніваў, што з дому яго павезлі сілком, па дарозе вымагалі 50 мільёнаў расійскіх рублёў, а за мяжой трымалі ў падвале ў якасці палоннага.
Разгледзеўшы дэталі суд пагадзіўся толькі з тым, што гаворка ішла не пра разбой, а пра рабаванне. Акрамя гэтага, з канчатковага рашэння прыбралі прычыненне небяспечнага для здароўя шкоды пры выкраданні: даказаць, што Фіялкаўскаму перад выкраданнем зрабілі ўкол нейкага прэпарата, так і не ўдалося.
Злачынства, аб якім ідзе гаворка, адбылося ў жніўні 2018 года. Фіялкоўскі сапраўды апынуўся ва Украіне і пры спробе вярнуцца ў Расію быў затрыманы супрацоўнікамі СБУ. У выніку яго — уладальніка фірмы ў сферы ІТ-тэхналогій — абвінавацілі ў кантрабандзе шпіёнскай тэхнікі, пасадзілі пад хатні арышт, але потым аштрафавалі і адправілі на радзіму. Ужо ў Расіі Фіялкоўскі напісаў заяву.
Цэйко — -адзіны асуджаны па гэтай справе. Двое яго змоўшчыкаў засталіся ва Украіне і апынуліся там пад следствам, зладзіўшы разборку з-за Range Rover.
Цяпер чытаюць
Колькі беларусаў галасавала за Лукашэнку на ранейшых выбарах? Апублікаваныя закрытыя лічбы дзяржаўных апытанняў15
Каментары