Усяго патроху

Брытанскі прынц Эндру выблытаўся са справы аб сэксуальным гвалце. Ён зрабіў пазоўніцы «істотнае ахвяраванне»

Сын каралевы Вялікабрытаніі Лізаветы II прынц Эндру ўрэгуляваў справу аб сэксуальным гвалце, узбуджаную супраць яго ў ЗША Вірджыніяй Джуфрэ, паведамляе Бі-бі-сі.

Прынц Эндру.

Джуфрэ, якой цяпер 38 гадоў, падала ў суд на герцага Ёркскага, сцвярджаючы, што ён тройчы прымусіў яе да сэксуальных адносін, калі ёй было 17 гадоў. Вірджынія Джуфрэ была сярод жанчын, якія падалі ў суд на фінансіста Джэфры Эпштэйна, абвінавачваючы яго ў выкарыстанні непаўналетніх у мэтах сэксуальнай эксплуатацыі.

Эпштэйн скончыў жыццё самагубствам у турме ў 2019 годзе, чакаючы судовага разбору па гэтай справе. Вірджынія абвінавачвала яго ў тым, што яе здавалі ў сэксуальную «арэнду» ўплывовым людзям, сябрам і партнёрам Эпштэйна, уключаючы прынца Эндру.

Прынц Эндру неаднаразова адмаўляў гэтыя абвінавачванні. У дакуменце, прадстаўленым у суд ЗША ў аўторак, гаворыцца, што пара дасягнула пазасудовага пагаднення.

Пагадненне ўключае, у тым ліку, «істотнае ахвяраванне на карысць спадарыні Джуфрэ», вынікае з судовых дакументаў.

У пагадненні таксама сказана, што прынц Эндру ніколі не меў намеру ачарніць асобу спадарыні Джуфрэ і ён прызнае, што яна стала ахвярай жорсткага абыходжання і несправядлівых публічных нападаў. 

Таксама ў ім прыводзяцца словы герцага Ёркскага аб тым, што ён высока шануе смеласць Вірджыніі Джуфрэ і іншых людзей, якія перажылі гвалт.

Адвакат Вірджыніі Дэвід Бойс не стаў каментаваць дасудовае пагадненне, заявіўшы агенцтву Press Association, што яно гаворыць само за сябе.

Зрэшты, Эндру і без таго ўжо панёс з-за гэтай справы вялікія рэпутацыйныя страты. У студзені гэтага года Букінгемскі палац абвясціў, што ваенныя тытулы і каралеўскія абавязкі прынца Эндру, трэцяга сына каралевы, былі з яго знятыя. Ён таксама не можа больш афіцыйна выкарыстоўваць тытул Яго Каралеўская Высокасць.

Чытайце таксама: 

Лізавета ІІ пазбавіла свайго сына Эндру чыноў і тытулаў. Яго вінавацяць у згвалтаванні

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

БНТУ: Выкладчык, які ўцякаў ад міліцыі, памёр ад сардэчнага прыступу13

БНТУ: Выкладчык, які ўцякаў ад міліцыі, памёр ад сардэчнага прыступу

Усе навіны →
Усе навіны

Маці траіх дзяцей просіць Лукашэнку вярнуць іх з прытулку. Чыноўнікі патлумачылі, чаму ў яе не атрымалася

Іспанія дамагаецца прызнання каталонскай мовы ў ЕС: Брусэль тармозіць працэс

Журналісты атрымалі доступ да сакрэтных планаў расійскіх ядзерных вайсковых баз3

Трамп прапанаваў Канадзе доступ да абароны пад «Залатым купалам». Пры адной умове5

Грошы для былога палітвязня Андрэя Чапюка сабралі менш чым за паўсутак

У Германіі адмяняюць нядаўна ўведзеную магчымасць «экспрэс-натуралізацыі»

«Муж быў супраць таго, каб Анжаліка сустракалася з дзецьмі з іншым мужчынам». Аўтар расследавання пра Мельнікаву падзяліўся некаторымі дэталямі7

Мерц паабяцаў дапамагчы Украіне з распрацоўкай уласнай дальнабойнай зброі1

«Вінны 500 рублёў». Беларус вырашыў захоўваць зберажэнні ў еўра, але трапіў у невідавочную пастку1

больш чытаных навін
больш лайканых навін

БНТУ: Выкладчык, які ўцякаў ад міліцыі, памёр ад сардэчнага прыступу13

БНТУ: Выкладчык, які ўцякаў ад міліцыі, памёр ад сардэчнага прыступу

Галоўнае
Усе навіны →

Заўвага:

 

 

 

 

Закрыць Паведаміць