«Да нашай машыны ішла хутчэй за міліцыянтаў». Як у Мядзельскім раёне шукалі зніклую 74-гадовую жанчыну
Супрацоўнікі мядзельскай міліцыі раніцай 28 мая ў ваколіцах хутара Дзянісава знайшлі на ўскраіне лесу 74-гадовую жыхарку вёскі Вытрэскі Леаніду Іванову, якая днём раней выйшла са свайго дома і знікла.
Пра знікненне бабулі заявіла яе ўнучка. Пра гэта распавёў Kraj.by старшы оперупаўнаважаны аддзялення крымінальнага вышуку крымінальнай міліцыі Мядзельскага РАУС Андрэй Кайко.
Унучка таксама звярнулася ў пошукава-выратавальны атрад «Анёл». Паводле інфармацыі заяўніцы, Леаніда Гаўрылаўна 27 мая каля 11:00 выйшла са свайго дома ў вёсцы Вытрэскі і знікла. Магла накіравацца ў бок вёскі Янушава.
Прэс-сакратар ПСА «Анёл» Юлія Коўган распавяла:
— Мы склалі і распаўсюдзілі арыенціроўку пра знікненне Леаніды Івановай. Калі б да 12:00 не было ніякай інфармацыі пра бабулю, мы б прымалі рашэнне пра накіраванне ў Мядзельскі раён пошукавай групы. Але ў дзевяць гадзін раніцы нам патэлефанавалі з мядзельскай міліцыі і паведамілі, што Леаніда Іванова знойдзена, — сказала Юлія Коўган.
Андрэй Кайко распавёў Kraj.by абставіны здарэння:
— На пошуках Леаніды Івановай 27 мая працавалі чатыры нашы мабільныя групы. Усяго — 16 чалавек. Шукалі бабулю ўсю ноч. Раніцай 28 мая на месцы засталося пяць супрацоўнікаў, якія працягвалі пошукі. З раніцы паразмаўлялі з мясцовымі жыхарамі.
Знайшоўся сведка, які сказаў, што нібыта Іванову бачылі каля балота. Абследавалі ўсю тэрыторыю ў раёне гэтага балота — безвынікова. Машына далей праехаць не магла, і мы з участковым міліцыянерам пайшлі пешшу ў кірунку хутара Дзянісава. Раптам здалёк убачылі бабулю, якая выходзіла з лесу. Адразу кінуліся да яе. Гэта была Леаніда Іванова. Не магу сказаць, колькі было часу. На той момант у нас селі ўсе мабільныя тэлефоны. Напэўна, было прыблізна шостая ці сёмая гадзіна раніцы.
Паводле слоў Андрэя Кайко, Іванова адчувала сябе нармальна. Але адмаўляла, што начавала ў лесе. Сцвярджала што нібыта была дома.
— Да нашай машыны бабуля ішла нават хутчэй за нас. А нам пашанцавала: мы проста аказаліся ў патрэбны час у патрэбным месцы. Завезлі яе дадому і перадалі родным, — сказаў Андрэй Кайко.
-
У Польшчы беларускаму дальнабойшчыку пагражае турма — спрабаваў увезці экзатычных яшчарак
-
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек
-
Магілёвец вырашыў прыбрацца на зіму і спаліў некалькі пабудоў
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек1
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары