Новыя ўязныя знакі на трасе паміж Лельчыцамі і Мазыром будуць мець надпісы на беларускай мове. Гэта вынікае з абвешчаных тэндараў, заўважыў «Флагшток».
Паводле гэтых дзяржзакупак, Мазырскі райвыканкам шукаў арганізацыі для вырабу і ўстаноўкі ўязнога знака «Мазырскі раён» з боку Лельчыцкага раёна. На гэта з бюджэту выдаткавалі 16 тысяч рублёў. У дакументацыі заявак размешчаныя эскізы знакаў — у абодвух выпадках надпісы павінны быць па-беларуску: «Мазырскі раён» і «Добрай дарогі».
Адзін са знакаў павінен з'явіцца на трасе ўжо ў маі, а другі — да канца чэрвеня.
Цяперашнія знакі пры ўездзе ў Мазырскі раён, прынамсі, на некаторых кірунках, мелі надпісы па-расейску.
Адметна, што новыя знакі аформленыя не ў таксічнай чырвона-зялёнай расфарбоўцы, а ў колерах герба Мазырскага раёна.
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы7
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары