Вядомых расіян абвінавацілі ў «фінансаванні дзяржаўнага перавароту ў Беларусі». Сярод іх Макарэвіч, Галкін, Дудзь
У расійскіх прапагандысцкіх тэлеграм-каналах Андрэя Макарэвіча, Максіма Галкіна, Юрыя Дудзя і іншых вядомых расіян абвінавацілі ў тым, што яны «фундавалі дзяржаўны пераварот у Беларусі». Расійскія зоркі нібыта данацілі грошы ў фонд BYSOL. Усяго такім чынам нібыта «аскароміліся» больш за пяць тысяч грамадзян РФ.
Гэтыя весткі Андрэй Макарэвіч іранічна пракаментаваў у сябе ў Фэйсбуку:
«А я ж яшчэ марсіянаў да бацькі падсылаў, заражаных воспай малпаў, і шкло бітае яму ў суп сыпаў!».
Каментары