У вёсцы Канцы Крычаўскага раёна ў куратніку ўжо чатыры месяцы жыве незвычайны пастаялец — бусел. З нейкай прычыны птушка не паляцела зімаваць у вырай і ледзь не замерзла пад снегам у лістападзе, піша Mogilev.online.
Мясцовыя жыхары не засталіся абыякавымі: Галіна пасяліла птушку ў сваім куратніку, а карміць і даглядаць гадаванца дапамагае ўся акруга. Назвалі бусла Бусяй.
Галіна распавядае, што на дзень птушцы трэба прыкладна паўкілаграма корму. Акрамя мойвы і кількі, Буся вельмі любіць мяса, сэрца, ныркі, печань і іншыя субпрадукты.
З прыходам цяпла бусла хочуць выпусціць на волю. Усё ж такі дзікая птушка павінна жыць у прыродзе, лічаць мясцовыя жыхары.
Чытайце таксама:
На Палессі ўзялі пад ахову месца рассялення чорнага бусла
На Палессі пабачылі першых буслоў, што прыляцелі з выраю. Сёлета яны вярнуліся раней, чым звычайна
Энергетыкі паставілі на апорах лэп больш за 200 платформаў для буслянак
Каментары