Сіноптыкі і ратавальнікі папярэдзілі пра галалёдзіцу і іншыя неспрыяльныя ўмовы
Сёння, 31 сакавіка, месцамі на дарогах краіны чакаецца галалёдзіца.
Сярод фактараў небяспекі ратавальнікі называюць магчымую цяжкасць руху транспарту, павелічэнне верагоднасці ўзнікнення ДТЗ, рызыку траўматызму.
«Дадатныя тэмпературы абумовяць раставанне снегу, з-за чаго пагаршаецца гідралагічнае становішча: узнікае затапленне ад рэк і талых вод, асабліва гэта тычыцца нізінных участкаў. З-за паслаблення трываласці лёду высокая небяспека няшчасных выпадкаў на вадаёмах», — падкрэслілі ў МНС.
Сёння ў першай палове дня магчымыя дажджы на большай частцы тэрыторыі, па поўначы — з мокрым снегам. Чакаецца да +9, па заходняй частцы краіны да +14.
Каментары