Як паведамiла карэспандэнту «Звязды» галоўны сiноптык Рэспублiканскага гiдраметцэнтра Вольга Фядотава, даволi халоднае надвор’е без ападкаў захаваецца да 25 лютага.
Тэмпература паветра ўначы ў пятнiцу—суботу будзе 18—26 градусаў марозу, па ўсходу месцамi — да мiнус 27—32 градусаў. Удзень тэмпература паветра будзе вагацца ад 7 марозу па захаду да мiнус 18 градусаў на ўсходзе краiны.
У нядзелю ў заходнiм рэгiёне маразы пачнуць слабець, дзе ўдзень будзе ўжо толькi мiнус 3—6 градусаў.
У апошнiя днi месяца месцамi пройдзе снег i маразы будуць «кусацца» значна менш. Тэмпература паветра ўдзень чакаецца ад 0 да 6 градусаў марозу, уначы — мiнус 3—14 градусаў.
Каментары