1980-я. Аўганістан. 9-я рота мусіць трымаць вышыню да праходу калёны. Але на вайскоўцаў забываюць.
Фёдар Бандарчук абапіраўся на кінаспадчыну свайго славутага бацькі. І на «Ўзвод» Олівэра Стоўна. А таксама на Зыгмунда Фройда, якога згадвае навабранец-мастак. Палкавая німфаманка Беласьнежка, узмакрэлыя целы, размовы пра дзявочыя спаднічкі. Імпульсы жыцьця й сьмерці пад маскамі выпісаных тыпажоў: дзетдомавец, кантужаны прапаршчык… Эпізадычную ролю вайскоўца стомлена сыграў Станіслаў Гаварухін.
Знакаміты пецярбурскі перакладчык фільмаў Гоблін абвінаваціў стужку Ф.Бандарчука ў паражэнскіх настроях і недакладнасьці. Дарэмна. Калі ў амэрыканскіх карцінах героі сьцьвярджаюць індывідуалізм насуперак мясарубцы, то сучасны расейскі герой ратуецца ў савецкім калектывізьме. «Мы перамаглі», — кажа адзіны, хто выжыў. 9-я рота здольная перамагаць і далей, вось толькі Гарбачоў войскі павыводзіў.
У цэлым — гэта адзін з найлепшых расейскіх фільмаў апошніх гадоў.
∎
«9-я рота».
Расея—Украіна, 2005, каляровы, 140 хв.
Жанр: ваенны фільм.
Адзнака: 6 (з 10).
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?8
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары