Пятро Міклашэвіч: стан пракуратуры катастрафічны
Генпракурор Пятро Міклашэвіч падаў прэзыдэнту службовую запіску аб катастрафічным становішчы, што склалася ў сыстэме пракуратуры. Паводле Міклашэвіча, 60% пракурораў Беларусі маюць стаж, меншы за тры гады, а бягучка кадраў, «выкліканая цяжкім матэрыяльным становішчам, прыводзіць да страшэннага непрафэсіяналізму супрацоўнікаў, якія губляюць і забываюць на месцы злачынства ўлікі, пакрываюць заказчыкаў і выканаўцаў злачынстваў, у тым ліку і забойстваў». Генпракурор просіць Лукашэнку вярнуць у пракуратуру кадры, якіх В.Шэйман зьвёў пасьля сыходу ў Адміністрацыю прэзыдэнта.
Самсонаў — самы сумленны гулец
Беларускі майстар «малога» тэнісу Ўладзімер Самсонаў узнагароджаны прызам Міжнароднага алімпійскага камітэту Fair play («Сумленная гульня»). Падстава — учынак у фінале лютаўскага турніру «Топ-12» у Францыі, дзе Ўладзімер згуляў з расейцам Аляксеем Сьмірновым. Арбітар не прысудзіў дастаткова спрэчнага балу расейцу, але Самсонаў пасьля гэтага адмыслова двойчы згуляў у сетку, у выніку прайграўшы матч — 13:15. Свой учынак Уладзімер патлумачыў наступным чынам: «не захацеў гуляць у такі тэніс».
1 лістапада менавіта Ўладзімер прынёс беларусам перамогу ў матчы адборачнага турніру над зборнай Расеі. Беларусы выйгралі менскі матч зь лікам 3:2.
Як пражыць на 70 даляраў?
Урад на падставе цэнаў верасьня зацьвердзіў новы бюджэт пражытачнага мінімуму — беларускую рысу беднасьці. Ягоны сярэдні памер — 150 тыс. рублёў (каля $70). Для працаздольнага насельніцтва БМП складае 165 тыс. руб., для пэнсіянэраў — 133 тыс. руб., для дзяцей у веку 3—16 гадоў — 176 тыс. Паводле зьвестак Мінстату, 16% насельніцтва краіны жывуць за рысай беднасьці.
Марыніч у шпіталі
Стан здароўя палітвязьня Міхаіла Марыніча чарговы раз пагоршыўся, і яго перавялі ў турэмны шпіталь. Паводле словаў жонкі палітыка Тацяны Марыніч, яе мужа дабівае нізкая тэмпэратура ў камэры. «Пасьля інсульту ў яго трымаецца аняменьне правай паловы тулава», — кажа спн.Марыніч.
АР; afn.by, svaboda.org
Цяпер чытаюць
Пасадзілі адваката Дзмітрыя Лаеўскага, які абараняў Бабарыку і Знака8
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
Каментары