Прэс-сакратар Уладзіміра Пуціна выказаў здзіўленне ў сувязі з артыкулам пра нібыта запланаваную змену іміджу расійскага прэзідэнта.
«Гэта з вобласці выдумак, якія невядома адкуль бяруцца», — заявіў Дзмітрый Пяскоў агенцтву РІА Навіны. «Независимая газета» 4 снежня паведаміла са спасылкай на даклад, падрыхтаваны для аднаго з губернатараў, што Пуціна нібыта збіраюцца ператварыць з «мача» ў «мудрага патрыярха расійскай палітыкі».
Змены тлумачыліся тым, што новы імідж дазволіць прэзідэнту «і далей выкарыстоўваць любімую тактыку і быць нібыта не ў курсе разборак падначаленых». Гэта звязвалі з падзеннем папулярнасці прэзідэнта Расіі.Сцвярджалася, што ў гэтым новым вобразе Пуцін хутка выступіць з пасланнем да Федэральнага Сходу.
Цяпер чытаюць
«Калі шандарахне па цягніку, хто будзе лідарам дэмсіл?» Два дні з дэлегацыяй Ціханоўскай у Кіеве — што засталося за кадрам11
Каментары