У сувязі са складанымі ўмовамі надвор’я для арганізацыі бяспекі дарожнага руху, выключэння ДТЗ Дзяржаўтаінспекцыяй Мінска будзе арганізаваны кругласутачны маніторынг стануПры ўскладненні ўмоў надвор’я патруляванне аўтадарог і вуліц экіпажамі ДАІ на службовых аўтамабілях будзе ажыццяўляцца з уключанымі пробліскавымі маячкамі сіняга колеру, паведамілі ў гарадской ДАІ.вулічна-дарожнай сеткі на прадмет своечасовага прыбірання дарожнымі і камунальнымі службамі снегу і выканання прэвентыўных мерапрыемстваў па ліквідацыі зімовай слізкасці.
Дзяржаўтаінспекцыя папярэджвае вадзіцеляў, што ў горадзе будзе працаваць снегапрыбіральная тэхніка, і заклікае ўладальнікаў транспартных сродкаў не пакідаць аўтамабілі на праезнай частцы на доўгі час, каб не ствараць перашкоды. У іншым выпадку эвакуатарамі машыны будуць перастаўлены або адбуксаваны на ахоўныя стаянкі.
Што да грузавых аўтамабіляў, то ДАІ нагадвае: стаянка грузавікоў у Мінску забаронена (за выключэннем спецыяльна адведзеных для гэтага месцаў) і стварае рэальную пагрозу бяспецы дарожнага руху. У выпадку парушэння грузавымі аўтамабілямі правілаў стаянкі ДАІ будзе выкарыстоўваць блакіратары для колаў транспартных сродкаў. Адміністрацыйная адказнасць за названае парушэнне прадугледжана ч. 3 арт. 18.22 КоАП — штраф у пяць базавых велічынь. Пры паўторным на працягу года аналагічным правапарушэнні штраф, згодна з ч. 4 таго ж артыкула, складзе 10 базавых велічынь.
Дзяржаўтаінспекцыя сталіцы рэкамендуе вадзіцелям па магчымасці адмовіцца ад паездак на сваіх аўтамабілях падчас снегападу і галалёдзіцы.
Каментары