Жыхар Баранавічаў «замініраваў» кінатэатр, каб пабачыць рэакцыю спецслужбаў
Суд адмераў яму 8 мільёнаў рублёў штрафу.
Увечары 2 кастрычніка 2012 года на спецлінію «101» паступіла паведамленне аб тым, што праз дзве гадзіны раздасца выбух у баранавіцкім кінатэатры «Зорка», піша «Intex-press».
З будынка эвакуявалі каля 170 чалавек. Прыбылыя на месца здарэння сапёры ніякага выбуховага прыстасавання не знайшлі.
Тэлефонным «тэрарыстам» апынуўся 47-гадовы жыхар Баранавічаў. На «101» мужчына тэлефанаваў са свайго мабільнага тэлефона, знаходзячыся ў стане алкагольнага ап'янення.
На судзе свой званок ён патлумачыў тым, што «хацеў проста праверыць, як рэагуюць розныя службы на такія паведамленні».
Суд прызнаў гараджаніна вінаватым у заведама ілжывым паведамленні пра небяспеку — злачынстве, прадугледжаным арт. 340 КК.
Улічваючы тое, што мужчына да гэтага ні разу не прыцягваўся да крымінальнай адказнасці, суд прызначыў яму пакаранне ў выглядзе штрафу ў памеры 8 млн. рублёў (80 базавых велічынь).
Прысуд у сілу яшчэ не ўступіў і можа быць абскарджаны.
Гурт «Дразды» пакідае сцэну і вінаваціць у гэтым «гіперактыўных блогераў»5
Гурт «Дразды» пакідае сцэну і вінаваціць у гэтым «гіперактыўных блогераў»
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга182182
Каментары