У чэрвені адновіцца чыгуначнае злучэнне паміж Масквой і Пхеньянам. Гэта самы працяглы чыгуначны маршрут у свеце
У Расійскай чыгунцы паведамілі, што цягнікі Масква — Пхеньян зноў пачнуць хадзіць з 17 чэрвеня, а Пхеньян — Хабараўск — з 19 чэрвеня.
Чыгуначны вакзал у Пхеньяне. Фота: Wikimedia Commons
У расійскую сталіцу цягнікі з КНДР будуць курсіраваць два разы на месяц, у Хабараўск — адзін
Пхеньян—Масква з’яўляецца самым доўгім бесперасадачным чыгуначным маршрутам у свеце, адлегласць паміж сталіцамі складае больш за 10 тыс. км, а час у дарозе — восем содняў, адзначае агенцтва «Інтэрфакс».
Паездка з Хабараўска ў сталіцу КНДР на цягніку зойме крыху больш за два дні.
Пасажырскае чыгуначнае злучэнне з КНДР было прыпынена ў сувязі з COVID у 2020 годзе.
Каментары