У Мінскай вобласці фіксуецца рост укусаў кляшчоў, але ёсць раёны, дзе няма ніводнага выпадку
У маі ў Мінскай вобласці назіралася рэзкае павелічэнне колькасці зваротаў па медыцынскую дапамогу пасля ўкусаў кляшчоў.
Як паведамілі БелТА ў Мінскім абласным цэнтры гігіены, эпідэміялогіі і грамадскага здароўя, за месяц зафіксавана 262 выпадкі, з якіх 92 — у дзяцей. Гэта больш чым у два разы перавышае паказчыкі красавіка (122 выпадкі).
Найбольшая колькасць пацярпелых зарэгістравана ў Мінскім і Салігорскім раёнах, а таксама ў горадзе Жодзіне. У той жа час ніводнага выпадку ўкусу не зафіксавана ў Вілейскім, Капыльскім і Смалявіцкім раёнах.
Усяго з пачатку года ў медыцынскія ўстановы вобласці з прычыны ўкусаў кляшчоў звярнуліся 413 чалавек, у тым ліку 154 дзіцяці. Нягледзячы на майскі ўсплёск, агульны паказчык за пяць месяцаў на 18,7% ніжэйшы, чым за аналагічны перыяд мінулага года (тады было 508 выпадкаў).
Паводле даных спецыялістаў, больш за палову пацярпелых (53%) сутыкнуліся з кляшчамі ў лясах, яшчэ каля трэці — у сельскай мясцовасці і на дачных участках.
Першага намесніка гендырэктара «Белвеста» пасадзілі на тры з паловай гады за палітыку6
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары