Мінгандлю знайшло аўтара правакацыйных упаковак «Сасі жуй» у крамах
У Мінску ў крамы падклалі мяса з правакацыйнай рэкламай — іх аўтара знайшлі, інтэрнэт-рэсурсы заблакавалі, паведамляе Міністэрства антыманапольнага развіцця і гандлю.
Міністэрства антыманапольнага рэгулявання і гандлю расказала пра справу, звязаную з правакацыйнай рэкламай, якая з’явілася на ўпакоўках мяса ў шэрагу мінскіх крам. Такія тавары заўважылі як мінімум у «Еўраопце» на Мантажнікаў, ТЗЦ Palazzo і «Кароне-Замак».
«Спачатку сасі, потым жуй», — было напісана на адной з упаковак. На іншай упакоўцы напісана «Сасіжуі з мяса (сабакена) чыкена». Пры гэтым нідзе не ўказаныя ні склад, ні штрых-код, ні вытворца прадукту.
Цяпер МАРГ паведаміла, што ў выніку расследавання інтэрнэт-рэсурсы, дзе прасоўвалася прадукцыя, заблакаваныя, асоба, датычная да распаўсюду, устаноўленая, матэрыялы перададзеныя ў праваахоўныя органы.
Вытворца, які называў свае дзеянні «партызанскім маркетынгам», цяпер можа быць прыцягнуты да адміністрацыйнай адказнасці за распаўсюд неналежнай рэкламы.
Цяпер чытаюць
Трагедыя з 30‑гадовай доктаркай са Старобіна — пайшла выдаляць зуб мудрасці і памерла10
Каментары