Аўтары электроннай энцыклапэдыі «Спадчына»: дапамажыце выдаць на кампакт‑дысках
У інтэрв’ю БелаПАН студэнт II курса гуманітарнага факультэта (спецыялізацыя «вэб‑дызайн») Беларускага дзяржуніверсітэта А.Кульбіцкі паведаміў, што больш чым год таму ён разам са сваім таварышам, цяпер выпусніком школы М.Дзятлавым пачаў працаваць над гэтым праектам. Вынікам працы стаў кампакт‑дыск «Спадчына», на якім прадстаўлены пяць тэматычных раздзелаў энцыклапедыі: «Інфармацыя», «Экскурсіі», «Выявы», «Ваенная справа» і «Літаратура».
У раздзеле «Інфармацыя» можна азнаёміцца з гісторыяй дзяржаўных сімвалаў Беларусі, храналогіяй найважнейшых падзей яе мінулага, міфалогіяй беларусаў і поўным курсам гісторыі краіны, а таксама ўдакладніць сэнс любога гістарычнага тэрміна і паняцця.
У раздзеле «Экскурсіі» паказаны маршруты па славутых мясцінах Беларусі. Прычым найбольш значныя культурна‑гістарычныя аб’екты можна ўбачыць у аб’ёмнай выяве.
У раздзел «Выявы» ўвашлі фатаграфіі помнікаў гісторыі, культуры і прыроды, згрупаваныя па часінах года, а таксама фотагалерэя народных рамёстваў і твораў беларускіх мастакоў.
У раздзел «Ваенная справа» ўключаны схемы бітваў з удзелам беларусаў, карты краіны ў розныя перыяды яе мінулага, а таксама гістарычныя красворды і віктарыны.
Раздзел «Літаратура» ўключае біяграфіі і творы беларускіх літаратараў, а таксама спасылкі на выданні па гістарычнай тэматыцы.
Аўтары энцыклапедыі выказалі ўдзячнасць за дапамогу ў падрыхтоўцы праекта завучу мінскай гімназіі № 13 Алене Малашкевіч і беларускаму пісьменніку Уладзіміру Арлову.
З энцыклапедыяй можна азнаёміцца на інтэрнет‑сайце www.spadchuna.narod.ru.
Цяпер чытаюць
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў9
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары