Каля 400 індывідуальных прадпрымальнікаў з буйнога гомельскага гандлёвага цэнтра на дзень спынілі працу, пратэстуючы супраць рэзкага павышэння арэнднай платы.
Мінулай восенню прадпрымальнікам удалося адбіцца ад такіх намераў арандадаўцаў. Цяпер чарговы канфлікт.Уладальнікі плошчаў гандлёвага цэнтра па вуліцы Гагарына ў Гомелі ўзнялі арэндную плату ў паўтара-два разы. Метр гандлёвай плошчы цяпер абыходзіцца да 115 еўра ў месяц.
Гэта ставіць пад пытанне эфектыўнасць працы гандляроў і пагражае бізнэсу 400 індывідуальных прадпрымальнікаў. Гандляры, якія абвясцілі аднадзённы страйк, кажуць, што пагаджаюцца на рост арэндных плацяжоў на 5% у год, але не ў два разы. Некаторыя ўвогуле мяркуюць, што з 1 сакавіка ім давядзецца зачыніць свае крамкі не на дзень, а назусім.
У гандлёвы цэнтр прыйшоў чыноўнік упраўлення эканомікі Гомельскага аблвыканкама Юрый Асіпкоў, які заявіў, што ўласнікі «Сакрэта» — прыватныя кампаніі, на якія ўлады ніяк не могуць паўплываць.
Цяпер чытаюць
У Чэхіі малады беларус трапіў у кому — наглытаўся таблетак праз праблемы з легалізацыяй і разрыў з дзяўчынай22
Каментары