Зяленскі анансаваў рэформу УСУ: заробкі пехацінцаў вырастуць да 9 тысяч даляраў
Прэзідэнт Украіны Уладзімір Зяленскі даручыў ураду і вайсковаму камандаванню значна павялічыць грашовае забеспячэнне вайскоўцаў. Рэформа арміі афіцыйна стартуе ўжо ў гэтым чэрвені.
— Паставіў задачу істотна павялічыць грашовае забеспячэнне з улікам прынцыпу справядлівасці, а менавіта — баявыя задачы на перадавой, рэальны баявы і кіраўнічы досвед, эфектыўнасць вайскоўца павінны гарантаваць павелічэнне выплат, — заявіў Зяленскі.
Згодна з агучанай формулай, мінімальны заробак для тылавых пасадаў складзе не менш за 30 тысяч грыўняў (каля 700 даляраў).
Для тых, хто знаходзіцца на баявых пазіцыях, сумы будуць у разы вышэйшыя. Асаблівая ўвага надаецца каманднаму складу — баявым сяржантам і афіцэрам, узровень выплат якім таксама будзе адчувальна павышаны.
Прэзідэнт Украіны асобна вылучыў ролю пехацінцаў, для якіх будуць уведзены спецыяльныя кантракты, а памер выплат для іх складзе ад 5,5 тысяч да 9 тысяч даляраў.
Таксама Зяленскі абвясціў паэтапную дэмабілізацыю ўжо ў 2026 годзе.
— Я даручыў умацаваць кантрактную сістэму ва УСУ такім чынам, каб, пашыраючы кантрактны кампанент, мы маглі забяспечыць пэўныя тэрміны службы і магчымасць — пачынаючы з гэтага года — паступовага вызвалення ад службы раней мабілізаваных на падставе выразных часавых крытэрыяў, — сказаў ён.
-
Беларуска-літоўскую мяжу праз балота перайшла група з 35 мігрантаў. Іх лавілі з верталётам і сабакамі
-
У Іркуцкай вобласці лабарантка навуковага інстытута памерла ад чумы. Цяпер горад на вушах
-
Гераічны індыйскі пілот Flydubai упершыню расказаў, што адбывалася ў кабіне самалёта на рэйсе з Дубая ў Тэль-Авіў
Цяпер чытаюць
Што вядома пра віцебчука, якога вінавацяць у спробе падрыву самалёта ў Германіі7
Каментары