Беларусь да 10 жніўня поўнасьцю разьлічыцца з «Газпромам» за пастаўлены ў І паўгодзьдзі газ, — заявіў першы віцэ‑прэм’ер ураду Ўладзімер Сямашка.
Беларусь да 10 жніўня поўнасцю разлічыцца з «Газпрамам» за пастаўлены ў І паўгоддзі 2007 года газ. Аб гэтым заявіў сёння журналістам першы намеснік прэм’ер‑міністра Беларусі Уладзімір Сямашка, адказваючы на пытанне карэспандэнта БелТА.
«У мінулую пятніцу, як мы і абяцалі, расійскаму боку было пералічана $190 млн., у суботу — яшчэ амаль $60 млн.», — сказаў ён. Такім чынам, Беларусь ужо з пятніцы аплачвае гэты доўг, дадаў Уладзімір Сямашка.
Ён нагадаў, што задача ў тым, каб беларускі бок не пазней за 10 жніўня разлічыўся за той доўг, які ўтварыўся перад «Газпрамам», — усяго больш як $450 млн. «Я лічу, што гэта адбудзецца раней», — сказаў першы віцэ‑прэм’ер.
«А далей мы выходзім на 100‑працэнтную аплату газу. Нам гэта будзе складана. Але гонар, годнасць і рэпутацыя нашай краіны павінны быць вышэй за ўсё», — падкрэсліў Уладзімір Сямашка.
Палякі купляюць дамы ў Беларусі — цікавяцца, ці хопіць на жыццё еўрапейскай пенсіі, і радуюцца смешным выдаткам9
Каментары